L’encicloupedìo dis Aupiho.
Ensignadou.
Prouvèrbi pèr l’Ivèr qu’es aqui.
Soun bèn coutènt...
Editouriau
Li galino d’Óupedo...
Noum de la Regioun - Parlaren en Vaucluso.
L’Evenimen
Lis eleicioun regiounalo.
Haïti : Èro antan la Perlo dis Antih.
Oudilo Delas e Jan Dionis.
De voues se soun amoussado.
Maiano avans Maiano.
E la nèu toumbè
Candelouso.
Anniversàri 20en di Nouvello.
Trin di Fèsto e Manifestacioun Prouvençalo.
18en Councours di Jouine de Prouvènço
Lou vièsti en Auto-Prouvènço
Gui Bonnet e Eloudìo Minard dins Mirèio.
Micoulau Sabòli.
Lou Bausset à passa tèms
Lis espacejado dóu barrulaire à velò.
Lou generau e lou courpatas ...
Lou camin percoula
Noste tamisié es revengu
La Roco de Dom
Raconte e novo de noste tèms.
La bello journado dóu Fernand
Pèr fadeja emé li muso.
Sus lou camin dis estello.
Lou Coudounié
La roubinsouno prouvençalo
Courié di legèire.
Libre - disque - nouvèuta
Canton li Troubadou...
Racino coumtadino
Lis Armana

Es pas uno galejado, nimai uno pagnoulado vo uno chirounado. Es uno istòri vertadiero.

L’acioun se passo, aro, au nostre, en Óupedo, galant vilajoun vauclusen dóu Leberoun.

Avian deja agu, dins d’àutris endré, de garrouio de clouquié entre li terradouren e aquéli que lou soun pas, à prepaus di cigalo que fan trop de brut l’estiéu, dóu gau dóu vesin que reviho lou mounde de trop bono ouro emé si cacaraca, dóu reloge de la glèiso qu’en sounant lis ouro emé li quart e li miejo empacho li residènt segoundàri de dourmi e, pàuri bedigo!, de l’óudour di fedo que sa jasso es trop procho dis oustau...

Avèn deja agu proun de «people» que pènson que sian d’Indian e qu’avèn que lou dre de croumpa un chut quouro fan ço que volon en deforo di lèi e reglamen o quouro assajon de croumpa tóuti li vièis oustau d’un vilage leberounen pèr n’en faire un nouvèu Sant-Troupès...

Aro es en Óupedo qu’uno batèsto juridico óuposo un grand cineaste anglés (a 73 an) à un parèu de jóuini Prouvençau que, à coustat de soun doumaine, esplechon uno terro que i’apartèn. An de serro e 1.400 galino «bio» que pèr lou «people» descaron lou païsage e lou fan s’enmalicia chasque cop que passo davans lou galinié pèr rintra au siéu.

Aquest «people», qu’es l’autour de filme miti coume «Alien», «Blade Runner» e subre-tout «Gladiator», a engaja contro serro e galino cinq prouceduro davans lou tribunau amenistratiéu de Nime, tóuti urousamen rejitado.

Coume nòsti grangié prouvençau, Roso Orset e soun ome, soun pas toumba de la darniero plueio, e coume an la voio e lou courage di gladiatour cèlto-ligour, voudrien bèn muda si serro e si galino un pau plus liuen, toujour sus lou territòri d’Óupedo, mai en escàmbi de... 5 milioun d’éurò, ço que farié de si galino de galino dis iòu d’or!

N’en sian aqui. Nosto-Damo d’Alidoun e Óupedo-lou-Vièi, qu’aculigué dóu tèms de la darniero guerro Consuelo de Saint- Exupéry e forço artisto, óusservon aquesto batèsto emé filousoufìo. Pèr quant à nautre, soustenèn lou coumbat de nòsti grangié prouvençau.

Soun dins la draio de ço que li sòci de Parlaren en Vaucluso an retengu coume óujeitiéu à soun coungrès d’Óupedo en 2008 : «l’aparamen de l’agriculturo prouvençalo, la necessita de favourisa l’istalacioun di jouine e lou soucit de l’autousufisènci alimentàri ».

Li «people» passaran, mai la terro nostro demourara.