ensignadou

156


L’encicloupedìo dis Aupiho.
Ensignadou.
Prouvèrbi pèr l’Ivèr qu’es aqui.
Soun bèn coutènt...
Editouriau
Li galino d’Óupedo...
Noum de la Regioun - Parlaren en Vaucluso.
L’Evenimen
Lis eleicioun regiounalo.
Haïti : Èro antan la Perlo dis Antih.
Oudilo Delas e Jan Dionis.
De voues se soun amoussado.
Maiano avans Maiano.
E la nèu toumbè
Candelouso.
Anniversàri 20en di Nouvello.
Trin di Fèsto e Manifestacioun Prouvençalo.
18en Councours di Jouine de Prouvènço
Lou vièsti en Auto-Prouvènço
Gui Bonnet e Eloudìo Minard dins Mirèio.
Micoulau Sabòli.
Lou Bausset à passa tèms
Lis espacejado dóu barrulaire à velò.
Lou generau e lou courpatas ...
Lou camin percoula
Noste tamisié es revengu
La Roco de Dom
Raconte e novo de noste tèms.
La bello journado dóu Fernand
Pèr fadeja emé li muso.
Sus lou camin dis estello.
Lou Coudounié
La roubinsouno prouvençalo
Courié di legèire.
Libre - disque - nouvèuta
Canton li Troubadou...
Racino coumtadino
Lis Armana








5. La Candelouso. L’aprimage.

La 5enco sesoun prouvençalo, qu’a debuta pèr Santo-Barbo (4 de desèmbre), s’acabo pèr la Candelouso (2 de febrié). Es aqui que se barro la quaranteno duberto au Soulstice d’Ivèr e qu’avié debuta lou jour de Nouvè. Es la fèsto de la purificacioun de la Vierge, mai tambèn aquelo di candèlo. Dins li glèiso prouvençalo se fai la «crècho blanco» em ‘un noumbre redu de persounage.

Èro, à Marsiho, dins lou tèms, la Fèsto dóu Fuenòu, que pourrié veni dóu fenoui gigant dóu Levant proche, qu’èro utilisa pèr traspourta dins si cambo li braso d’un fougau à l’autre. Aquesto fèsto, encaro, pourrié significa qu’es necite d’atuba un fiò nouvèu, bord que li radiéri braso dóu cacho-fiò de la vèio de Nouvè se soun amoussado.

A Sant-Vitour de Marsiho, la Candelouso es marcado pèr la benedicioun de candeleto verdo e la fabricacioun d’uno pastissarié especialo : li naveto de Sant-Vitou, que retipon, se dis, la barco di sànti Marìo vo aquelo d’Isis.

La Candelouso marcavo, dins la civilisacioun agricolo e pastouralo, l’abenage de la mita di reservo de prouvesioun facho pèr passa l’ivèr. Adounc falié que l’autro mita o ço que n’en soubravo durèsse enjusqu’i recordo venènto.

Lou 14 de febrié, enfin, debuto pèr li pastre l’aprimage, lou tèms de la primo. Es lou proumié de l’an de l’annado pastouralo e lou coumençamen de la nouvello sesoun pastouralo. Li fedo quitaran li pradarié pèr ana pastura dins lis ermas o en Crau en esperant, debuto de jun, lou tèms de l’amountagnage qu’es la segoundo sesoun pastouralo.

6. E pèr acaba prouvisourimen...

Dins un autre estùdi, tant se pòu pèr Nouvè de 2010, cavaren d’àutri tradicioun de celebracioun dóu Soulstice d’Ivèr.

N’en signalan, rapidamen, uno que ié revendren, es la Fèsto jusiolo de Hannoucca, apelado Fèsto di Lumiero. Se debano, toujour, seguènt lou calendié religious judiéu, entre li mes de nouvèmbre e de desèmbre dóu calendié gregourian qu’es lou nostre.

L’an darnié, en 2009, Hannoucca s’èi festeja dóu 12 (25 Kislev) au 19 de desèmbre (2 Tevet).

7. Counclusioun.

La Fèsto de Nouvè, fin finalo, es fourtamen enracinado autour dóu ribeirés de la Mar Nostro e dins lis encountrado vesino. Escound, en realita, la relacioun entimo de l’ome de la terro emé soun mitan naturau e li sesoun, que soun bèn marcado que dins li zouno temperado. Li religioun pièi, e que que siegon, an placa sa mitoulougìo sus l’ordre naturau di causo.

Li mai anciano de l’agué fa soun, dins lou Levant Mejan li qu’eisistavon à Sumer, Babilouno, en vièio Perso, au Liban, en Palestino, en Crèto, en Egito, autambèn qu’aquéli di rode d’Éuropo mounte se desvouloupè la revoulucioun neoulitico, quouro nòsti rèire devenguèron de pacan, es de dire d’agricultour e d’abalissèire de fedo, de cabro e de vaco.

Coume l’avèn deja evouca, Nouvè, au nostre, en Prouvènço, es lou moumen que tóuti li recordo soun rintrado, que n’i’aura pas d’autro avans de mes. Fau festeja aqueste moumen e prene de forço, que l’ivèr finira qu’après l’equinòssi de printèms.

D’un autre las, dins nòsti vilo escleirado à giorno la niue, fau se remembra qu’acò ’s recènt. A passa tèms, l’ivèr èro lou règne di tenèbro meme se, d’à cha pau, lou soulèu empuravo la durado di jour. En rintrant au siéu, de vèspre, lou pacan, lou pastre, èron agouloupa de la negro niue, franc di dato de pleno luno e, dins soun oustau, i’avié que la chaminèio e un o dous calèu pèr faire lus. Ramenten-se que noste Charloun escrivié si cansoun, la niue, au clarun de la luno!

Es d’aquésti racino que fau n’èstre mai que mai counsciènt dins lou mounde de vuei.

signat



barre de fin de page

1121406