ensignadou

156


L’encicloupedìo dis Aupiho.
Ensignadou.
Prouvèrbi pèr l’Ivèr qu’es aqui.
Soun bèn coutènt...
Editouriau
Li galino d’Óupedo...
Noum de la Regioun - Parlaren en Vaucluso.
L’Evenimen
Lis eleicioun regiounalo.
Haïti : Èro antan la Perlo dis Antih.
Oudilo Delas e Jan Dionis.
De voues se soun amoussado.
Maiano avans Maiano.
E la nèu toumbè
Candelouso.
Anniversàri 20en di Nouvello.
Trin di Fèsto e Manifestacioun Prouvençalo.
18en Councours di Jouine de Prouvènço
Lou vièsti en Auto-Prouvènço
Gui Bonnet e Eloudìo Minard dins Mirèio.
Micoulau Sabòli.
Lou Bausset à passa tèms
Lis espacejado dóu barrulaire à velò.
Lou generau e lou courpatas ...
Lou camin percoula
Noste tamisié es revengu
La Roco de Dom
Raconte e novo de noste tèms.
La bello journado dóu Fernand
Pèr fadeja emé li muso.
Sus lou camin dis estello.
Lou Coudounié
La roubinsouno prouvençalo
Courié di legèire.
Libre - disque - nouvèuta
Canton li Troubadou...
Racino coumtadino
Lis Armana






titre


Lou 20 de desèmbre darnié, Li Nouvello e Prouvènço avien counvida sis amigo e sis ami pèr l’anniversàri 20en de la creacioun de la revisto. Acò s’es passa Salo Benezet XII, en Avignoun, en presènci de mai de 400 persouno, tóuti legèire di  Nouvello.

Vaqui la dicho largado pèr Jan-Glaude Roux, baile di Nouvello de Prouvènço :

«Cars Ami e Amigo di Nouvello,

Nous vaqui recampa pèr festeja ensèn l’anniversàri 20en de la creacioun di Nouvello de Prouvènço. D’efèt es lou 17 de desèmbre de 1989 qu’avèn manda à l’aigo noste pichot batèu. Despièi avèn fa de camin e alestissèn, vuei, noste numerò 156.

Vole regracia, eici, nòsti gènti femo que sènso soun soustèn e soun ajudo, aurian pas pouscu teni lou cop tant de tèms. Vole eici pièi regracia touto la chourmo bountouso de PARLAREN e sis ami que retrouvas si signaturo dins chasque numerò. Soun li temouin de la bèuta e de la drudiero de nosto bello Lengo Prouvençalo que mantènon à bèl èime.

Vole regracia lis istitucioun que, despièi la debuto, en 1990, nous an soustengu : lou Counsèu Regiounau PACA emé noste ami regreta Andriéu Ariès; pièi la Vilo d’Avignoun qu’emé soun deputa-conse, Marìo-José Roig, nous aculisson vuei Salo Benezet Douge; e lou Counsèu Generau de Vaucluso, emé soun rèire-presidènt Jan Garcin, counseia que lou fuguè pèr Lucian Manchon.

Vole regracia tóuti li Prouvençalo e Prouvençau de la bono que nous an fa fisanço. Avèn enregistra mai de 4.500 abouna despièi 1990. Sènso soun soustèn es, proubable, qu’aurian cala!

Vous demandarai d’agué uno pensado pèr nòsti coulabouraire que nous an quita pèr toujour. Citarai Grabié Mollard, Marcèu Bòsqui, Jan-Glaude Rey, Magali, Fernand Perrin, Andriéu Tessier, Louis Bourgue e d’ami que nous an bèn counseia coume : Marcèu Petit, Charles Galtier, Marcèu Bonnet, Enri Charmasson e Andriéu Dupuis.

j_b_plantevin

Vuei sian dins la tempouro de Calèndo. Alor, pèr festeja noste bèl aniversàri, vous pourgissèn un Councert Calendau proupousa pèr d’artisto que, coume nautre, obron de longo pèr la Lengo e la Culturo Prouvençalo».

En seguido d’aquesto dicho Jan-Glaude Roux faguè óusseva uno minuto de silènci en óumage pèr tóuti li bons oubrié di  Nouvello que nous an quita.

Se debanè pièi un espetacle ufanous que lou mounde presènt aplaudiguèron sènso s’alassa.

Venguè, proumié, Jan-Bernat Plantevin, lou roussignòu de Mazan, e si musician. Jan-Bernat  es un cantaire que Li Nouvello an soustengu tre soun numerò 1, recouneissènt en éu un troubadou de noste tèms, d’aquéli que trèvon li camin de nosto Respelido.
   

crestino_rey

Pièi, Crestino e Felipe Rey, dóu Duò Cheops, presentèron soun nouvèu recitau. Eli, tambèn, s’encagnon à faire viéure la cansoun prouvençalo en emplegant de musico mouderno. E Crestino, coume Jan-Bernat, coumpauso elo-memo si cansoun.
 

Enfin, bouquet finau, l’Ensèn Counvivènço Musicalo, drud de douge usician, nous encantè emé soun nouvèu recitau riche d’asatacioun e de creacioun. Marcèu Bòsqui, l’un de nòsti proumié coulabouraire, fuguè tambèn lou peirin d’aquest chourmo que beilejo Vincèns Montagard e Benezet Chabaud.

counvivenco De nouta que la fèsto s’es ounourado de la presènci d’Andriéu Castelli, souto-presidènt dóu Counsèu Generau de Vaucluso, Francés Feraud representant lou conse d‘Avignoun, ajoun à a Culturo e i Tradicioun Prouvençalo, Jan-Marc Courbet, l’un di foundadou di  Nouvello, ansin que de noumbrous presidènt e presidènto d’assouciacioun prouvençalo.

Es autour d’un vin d’ounour semoundu pèr la Vilo d’Avignoun, Service de la Culturo Prouvençalo, que tóuti se retroubèron pièi, artisto e publi, pèr souveta longo mai! i Nouvello de Prouvènço.

signat



barre de fin de page

6801