L’encicloupedìo dis Aupiho.
Ensignadou.
Prouvèrbi pèr l’Ivèr qu’es aqui.
Soun bèn coutènt...
Editouriau
Li galino d’Óupedo...
Noum de la Regioun - Parlaren en Vaucluso.
L’Evenimen
Lis eleicioun regiounalo.
Haïti : Èro antan la Perlo dis Antih.
Oudilo Delas e Jan Dionis.
De voues se soun amoussado.
Maiano avans Maiano.
E la nèu toumbè
Candelouso.
Anniversàri 20en di Nouvello.
Trin di Fèsto e Manifestacioun Prouvençalo.
18en Councours di Jouine de Prouvènço
Lou vièsti en Auto-Prouvènço
Gui Bonnet e Eloudìo Minard dins Mirèio.
Micoulau Sabòli.
Lou Bausset à passa tèms
Lis espacejado dóu barrulaire à velò.
Lou generau e lou courpatas ...
Lou camin percoula
Noste tamisié es revengu
La Roco de Dom
Raconte e novo de noste tèms.
La bello journado dóu Fernand
Pèr fadeja emé li muso.
Sus lou camin dis estello.
Lou Coudounié
La roubinsouno prouvençalo
Courié di legèire.
Libre - disque - nouvèuta
Canton li Troubadou...
Racino coumtadino
Lis Armana

Vaqui 18 an que lou Councours di Jouine de Prouvènço counvido un noumbre creissènt de jouvènt à dire sa joio de s’espremi en prouvençau o en niçard.

Crea en 1992 pèr la Regioun Prouvènço-Aup- Coustiero d’Azur, à la demando de l’Unioun Prouvençalo, en quau es esta pièi fisa, aqueste grand councours es d’à gratis e douta de mai de 7.000 € de lot. Es dubert en tóuti li jouine de Prouvènço- Aup-Coustiero d’Azur, Ardecho, Droumo e Gard prouvençau, e di Valado prouvençalo d’Italìo.

A pèr toco es de proumóure lou prouvençau e lou niçard encò di jouine en :
favourisant soun usage e soun estùdi;
valourisant soun ensignamen;
encourajant la creacioun de cansoun mouderno;
fasènt espeli de nouvèlli voucacioun d’interprète.

I - Councours de creacioun e dicioun de tèste

1) - Candidat individuau :

A d’enregistra, sus CD, un tèste coumpausa e di pèr éu (se pòu faire ajuda pèr quaucun de soun entour) e, perèu, un tèste d’un autour recouneigu de la literaturo prouvençalo. L’enregistramen (tèste persounau + tèste d’autour) passara pas 5 minuto.

2) - Candidat couleitiéu :

An de coumpausa un tèste di e enregistra pèr l’en-sèn di membre. Lou caratère couleitiéu demando l’unita dóu tèste. Chausi pulèu de dialogue (scene-to pèr eisèmple). Enregistramen : 7 minuto massimum.
3) - Lengo emplegado.

Li candidat podon dire soun tèste en prouvençau aupin, maritime, roudanen o en niçard.
4) - Categourìo di candidat pèr age :
Pichoun : desparteja en seicioun A : 5 à 6 an, seicioun B : 7 à 8 an, seicioun C : 9 à 11 an.
Grandet : 11 à 15 an.
Jouvènt : 16 à 20 an. Dins aquesto categourìo un(o) candidat(o) reçaupra un prèmi de la Valour prouvençalo, pèr lou tèste que fara lou miés valé soun enracinamen dins soun terraire o en Prouvènço.
5) - Uno jurado independènto de l’Unioun Prouvençalo

despartejara li candidat d’après :
- l’óuriginaletade soun tèste (noto sus 20) qu’a de s’endeveni emé soun age - la qualita de la lengo
- lou biais de dire e prounouncia;
- la chausido e la dicioun (noutado sus 10) pèr li tèste d’autour di pèr li candidat individuau. Uno jurado classara, pèr la Fèsto di Jouine, li candidat individuau sus l’espressioun courpouralo e li candidat couleitiéu d’après lou jo sceni.

II - Councours de cansoun

Es dubert à la creacioun o à l’interpretacioun de cansoun en prouvençau o en niçard. Li targaire soun libre de soun estile (tradiciounau, varieta, poprock, reggae etc...). Podon se presenta soulet o en group. Lou caratère óuriginau de la creacioun e soun armounìo saran d’en proumié regarda. La coumpousicioun prepausado aura de coumprene paraulo e musico. Sa durado sara de 3 à 4 minuto.
Autour-coumpousitour-interprète : 15 à 25 an.
Cantaire soulisto : 11 à 25 an (podon èstre acoumpagna pèr de cor e de musician).
Cantaire en group : entre 5 e 25 an (valènt à dire à parti de la darniero classo de l’escolo meirenalo). L’obro presentado a d’èstre enregistrado sus CD. Li candidat seleiciouna auran de recita o de canta sus sceno sa creacioun literàri o musicalo dins lou cadre de la Fèsto di Jouine de Prouvènço que se debanara lou 15 de mai de 2010 à La Ciéutat (Boucodóu- Rose). Lou proumié prèmi Cansoun sara counvida de canta sa cansoun primado e uno autro lou sero dóu 15 de mai, en duberturo dóu councert douna pèr l’un de nòsti cantaire prouvençau.

III - Mandadis dis Enregistramen

   Mèfi! La clarta dis enregistramen di CD a d’èstre perfèto. Aquéli de qualita marrido saran pas soumés à la jurado. Pèr lou Councours «Cansoun», apoundre à l’enregistramen : lou tèste de la cansoun, la particioun musicalo, li noum, pichot noum e age de l’autour, dóu coumpousitour, dóu o dis interprète, autambèn que di candidat...

Lis enregistramen an d’èstre manda  avans lou 15 d’abriéu de 2010 à :

Councours di Jouine de Prouvènço
Prouvènço-Prèsso
Maison Intergénération
13, rue des Cheminots – 05000 GAP

Rensignamen : 0492 561 184 o 0490 866 022

courriel : prouvenco.presso@free.fr e feraud.henri@neuf.fr

IV - Fèsto di Jouine de Prouvènço, divèndre 15 de mai à La Ciéutat.

La prouclamacioun di prèmi se fara à La Ciéutat, ounte la Fèsto di Jouine de Prouvènço sara reçaupudo pèr L’Escolo de la Ribo e lou municipe. Coumençara à 10 ouro dóu matin. Tóuti li candidat ié saran counvida e reçaupran un diplomo de participacioun. De lot noumbrous faran que tóuti saran recoumpensa. L’Unioun Prouvençalo prendra en cargo uno part di fres de trasport pèr autoucàrri di candidat que vendran à la remesso di pres à La Ciéutat.