Live e Libertat


Quau de nòsti legèire counèis pas lou Massilia Sound System? Coume soun noum lou dis pas, lou group es pas un ensèn de musician anglés o american, mai bèn la chourmo que canto majamen en lengo nostro sus de ritme de reggae. Es ansin que, dins si councert, recampon un mouloun d’espetatour jouine, que reprenon li cansoun de cor. Lou Massilia Sound System aparo l’identita marsiheso, crido sus li pountin que Marsiho es d’aquesto Terro d’O mounte clantis uno lengo mespresado, la nostro.

Pèr la primo de 2011, lou Massilia a realisa un album qu’a pèr titre Live e Libertat : i’a un DVD d’abord, qu’es esta enregistra en councert publi, lou 30 de Juliet de 2008, is Estivalo de Carpentras, emé 10 cansoun que la proumiero es Massilia fai avans; pièi, un CD, que pourgis 16 cansoun enregistrado en 1996 à Marsiho, Arle e Pue-La Gardo, e qu’es un inne au reggae em’en entrouducioun la cansoun vengudo celèbro Commando Fada.

La musico di Massilia es pas facho pèr dourmi, es uno musico boulegarello qu’ilustro emé forço de paraulo que canton Marsiho, se joio e si peno, sa mescladisso de poupulacioun e si quartié. Denóuncio, tambèn, tout ço que vai pas dins nosto soucieta rousigado pèr l’intoulerànci, la paureta e lou mau-segur de la coundicioun oubriero. Fai 25 an que lou Massilia trèvo li pountin. Es recouneigu internaciounalamen. Uno de si cansoun, meme, fuguè lou numerò 1 de tóuti li * Live e Libertat Pèr lou Massilia Sound System. Album que ié caupon 1 DVD + 1 CD. Pres : 20 C mai s’atrobo emé de pres inferiour vers li boutigo especialisado que soun sus la telaragno (web). massilia-soundsystem.com radiò brasiliero. Avès de faire bono acuiènço à-n-aquésti disque dedica en la memòri d’un flame joglar marsihés defunta.

sign. JGR



couverture

barre de fin de page


 
 

1065318