Ensignadou

167


L’aubre que voulié voula!
Ensignadou
Nòstis emissioun
Prouvèrbi
Made in France
Editouriau
Bono annado 2012
L’atualita en image.
L’Evenamen
Priéureta i marcat loucau
De voues se soun amoussado
Sabino Barnicaud, Janeto Guieu,
Reinié Auberge, Marìo Mourier
Estage de prouvençau
Li chaine-pougnènt
La Floro de Vaucluso
Counsulto dis Assouciacioun Parlaren.
Federacioun Parlaren en Vaucluso
Parlaren Lou Tor
Parlaren Païs de Seloun
Parlaren Gardano
Parlaren Mountèu
Tradicioun de Calèndo
Armana
Pantai d’un Nouvè dóu futur
Musico Tradiciounalo
Genevivo Pinet-Roux.
Arle de Miquèu Bonnefoy
Marsiho 2013
Printèms prouvençau
Councours di Jouine 2012
Prouvèrbi toucant lou bestiàri
Plueio d’Estello
Pastouralo
Manifestacioun prouvençalo.
Darniero minuto
La plumo es à nòsti legèire.
Espacejado dóu barrulaire à velò
Nemausus : vesito de Nime la roumano
La «Vièio» de l’Estang dóu Pounènt
Lis ourtoulan
Francés Jouve
Ma titèi
Sant Gènt patroun de la Prouvènço
Vièi Avignoun : Guingueto e cabanoun
Lou cantoun d’Estève dóu Mas de Grichaud
Conte e danso de Prouvènço
La museto








Lou tèms dis armana


Faren, proumié, lou laus d’aquest Armanac de Lousero 2012 qu’es drud e poulit que-noun-sai. Parèis despièi 1903. S’èi bèn moudernisa. Es redegi dins la lengo lauseroto, generalamen dins sa grafìo mistralenco emé, à man drecho, la lengo nostro e à man senèstro, la reviraduro au francés. Es un óutis precious pèr tóuti aquéli que volon saupre li Fiero, Marcat e Fèsto Tradiciounalo dóu Givaudan. Es coumoul de conte, galejado, cascareleto, cansoun, foutò, dessin e meme d’un estùdi sus lis escais-noum lauserot. De nouta que fai la reclamo d’un libre que fau quatecant croumpa en sounant lou 04 66 31 30 59. S‘agis de : Contes & Légendes de Lozère que, dins si 400 pajo, ié caupon lis obro de 30 autour d’aièr e de vuei, siegue 81 conte e legèndo di meiours escrivan gibaudanés. La cuberto de l’Armanac de Lousero es adournado d’uno casello dóu Causse Mejan, ço qu’entroudus lou conte de Nouè : Nada dins la Chasèlo. E coume lou dis Louïs Hugon dins soun editouriau : Bono annado e bono sandat à toutes.

*Armanac de Lousero 2012. Numerò especiau de la revisto Lou Païs. A5. 80 pajo. Pres : 9 €. De coumanda e de paga vers Lou Païs, 14 résidence Les Prés Hauts, Route de la Margeride, 48130 Aumont-Aubrac.



Vaqui pièi l’Armagna Cevenòu 2012 (2do annado). Es un pres-fa qu’es esta endraia pèr Ive Gourgaud. Recampo de tèste d’autour cevenòu, es de dire dóu mounde qu’an parla o parlon aquesto lengo dins l’encountrado que si raro van de Nant à Langogno e d’Aubenas à Lansargue. Fai ounour en de tèste d’ancians escrivan raiòu, de cop leva de l’Armagna du Père Menfouté, de cop pousa dins lis obro d’autour coume Arnavielle, coume en de reviraduro de tèste francés au cevenòu pèr Ive Gourgaud e de countribucioun d’autour de vuei tau Deidié Mauras (Lunèl), Jan-Glaude Roux (Alès-Avignoun), Pèire Massot (Bagnòu). I’avèn trouba, emé plasé, un raconte sus La Roumèco , uno sceno de la pèço Las Sourço de la Liberta. De nouta, encaro, un estùdi bi-lengo sus la fauno dóu Vigan. Longo mai à l’Armagna Cevenòu. Que fague long-tèms soulas au Pople Cevenòu.

*Armagna Cevenòu 2012. A5. 60 pajo. Pres 5 € mandadis coumprés. De coumanda e paga encò de : Yves Gourgaud, 56 avenue du 8 mai, 30520 Saint-Martin-de-Valgalgues.



Acabaren pèr un grand classi, es l’Almanach Dauphinois 2012. Es un oubrage que, forço mai que li precedènt, respond à la voucacioun proumiero dis armana : èstre un óutis dóu quoutidian, tant pèr lis entre-signe d’ordre prati, que pèr la vido dóu païs, soun istòri, li biougrafìo de si gènt, de conte e raconte. Presènto li variacioun dóu patoué dóufinen que van dóu prouvençau roudanen au francou-prouvençau, emé li biais de dire passa dins lou francés loucau. Li patouesant i’an soun pichot cantoun e li prouducioun e recèto d’encò siéu tambèn. Es un armana forço agradiéu.

*Almanach Dauphinois 2012. 17x21,5. Pres 9 € emé lou mandadis. De coumanda e paga vers : Almanach Dauphinois - BP 235 - 74942 Annecy-le-Vieux Cedex.



barre de fin de page


 
 

1063593