Arle
de
Miquèu Bonnefoy

Noste ami Miquèu Bonnefoy, d’Arle, vèn de publica en edicioun prouvençalo lou libre qu’avié proumié pareigu en francés e que, desenant, a pèr titre : Arle 2000 an de culturo e d’istòri.

Aquesto obro es estado guierdounado i Jo Flourau Setenàri dóu Felibrige que se soun debana, en 2011, pèr la Santo- Estello di Sànti-Marìo de la Mar.

Miquèu Bonnefoy a realisa, aqui, un bèu pres-fa que s’amerito d’èstre saluda.

Ié caupon, dedins, tóuti li tèste, revira au prouvençau, e li noumbróusi foutò de la proumiero edicioun.

Es un libre forço saberu, mai pivelant pèr tout ço que nous dis d’Arle, de si mounumen, de si tradicioun e de soun istòri. De nouta que se i’atrovo lou pouèmo de Frederi Mistral, Lou lioun d’Arle, que lou Mèstre cantè dins Lis Isclo d’Or.