Ensignadou

168



Felician David.
Armana prouvençau.
Ensignadou
Nòstis emissioun
Prouvèrbi.
Fau reciéucla lou plastique.
Editouriau : L’ourrour.
L’atualita en image.
L’Evenamen : Prouvènço menaçado.
De voues se soun amoussado
Janino Establet - Roudòu Boyer - Oudeto Stoeri - Lucian Bonnet - Franço Ariès - Jan-Enri Brun
Darniéri novo.
Lengo Regiounalo de Franço.
L’óulivié
Nòsti legèire foutougrafe.
Estage de prouvençau.
Trin di Fèsto e Manifestacioun Prouvençalo.
Councous e Pres.
La Brigo (06),Fèsto di Jouine... Fèsto dóu Pople....
Prouvènço Marino.
La Costo Bluio.
Marsiho e li Marsihés.
Bouvino : lou bistournage di biòu.
Li gènt d’eici :
Sivergo
Ludòvi Montagard.
Reinié Mathieu.
Jan-Pèire Monier.
Agachado sus l’aigo en Prouvènço.
La Manado.
Lis espacejado dóu barrulaire à velò : Pantai souto l’amelié.
Ansèume Matiéu, lou felibre di poutoun.
L’eigueto dóu castelet de Font-Clareto.
Li biais de viéure e d’èstre de l’Ome (IV)
Cantoun trufarèu d’Estève dóu Mas de Grichaud
Mesclun de Prouvènço.
Li Cahiers du Bayle-Vert.
La Pounchudo.








Uno fournado de souveni
de Jan-Pèire Monier



Lou presidènt de la jouino assouciacioun Parlaren Jounquiero, noste ami Jan-Pèire Monier, a rejoun dins un libre agradiéu, tout un fube de «brin e de tros» que i’a mes coume titre : Ma fournado de souveni.

Jan-Pèire fuguè, à Carpentras, l’escoulan de Francés Jouve, lou fournié dóu four di Bloundin. E, es au Bloundin, soun mèstre de prouvençau, qu’a dedica soun recuei.

Pènso, coume nautre, que lou tèste, meme s’èi de qualita, abasto pas. Adounc, a fa chausido d’un mouloun d’ilustracioun fin d’atalenta lou legèire e pas ié faire perdre alen.

Jan-Pèire Monier èi de Jounquiero, en Vaucluso, lou rode ounte lou conse, qu’avié uno chato pas gaire poulido, decretè que li galant chausirien plus si cavaliero, mai li prendrien à-de-rèng, coume acò n’i’aurié ges que farien tapissarié.

À Jounquiero, antan, e acò ’s pas bèn liuen, lou mounde parlavon prouvençau. Èro la lengo dóu cor, de la famiho, de la terro, di mesteirau, de la glèiso, de la...poulitico e di galejado.

À Jounquiero, antan, e acò ’s pas bèn liuen, lou mounde parlavon prouvençau. Èro la lengo dóu cor, de la  de la famiho, de la terro, di mesteirau, de la glèiso, de la...poulitico e di galejado.

I’a tres partido dins Ma fournado de souveni :
           - Vergougno à-n-aquéu qu’a leissa s’enana si racino.
           - D’un vièi pople fièr e libre, sian bessai la finicioun...
           - Vergougno à-n-aquéu qu’a leissa degaia sa Culturo...
              E coume l’autour es un óutimisto, nous baio
              en quicho-clau : La fe dins l’an que vèn.

Se voutan pèr Bassaquiero...

De racino, segur, tout Jounqueiren n’a e n’avié. S’atrobon dins Li conte de ma grand, que li mai sabourous soun L’escoubeto de Daladier, e li dous Jounqueiren à l’óurigino de Vau pas mai Bassaquin que Bassacan, que Jan-Enri Fabre a inmourtalisa dins de vers sèmpre d’atualita :

Se voutan pèr Bassaquiero
Aquest an auren de niero;
Se voutan pèr Bassacan
Auren de niero aquest an.

Aquéli racino s’enfounson dins li famiho. La de Jan-Pèire tenié uno boulenjarié. Nous presènto li siéu e Jouve, lou Bloundin, emé de foutò superbo : lou majourau davans soun four o fasènt soun sant-miquéu em’ uno carriolo.

L’escolo, bèn segur, e nimai lou coulège, soun pas óublida, emé li pancus, casso-eigagno lou survihant...Quant à sa famiho, Jan-Pèire nous fiso qu’èro uno famiho di rouge...

Escais-noum e figuro d’autre tèms

La segoundo partido, elo, ramento que li Prouvençau èron, e soun, un vièi pople fièr e libre. Aquest pople designavo li gènt pèr d’escaisnoum, segound soun mestié, soun vilage, soun païs, sa religioun, e n’avèn aqui, tres bèlli tiero.

Es l’óucasioun, encaro, d’evouca de figuro d’autre tèms coume Juliano de Langasto, Jouselou lou Boudenfle e d’ome e de femo coume se n’en trobo pus gaire à l’ouro d’aro. Citaren Pau Quenat, lou cuirassié (en tengudo de poumpié...), Marcello Mazellier, oubriero à la counservo de poumo d’amour, autour de l’istòri Margarido e Annibalo, e tant d’autre.

Retrouba l’èime dóu païs e dóu pople

Dins sa tresenco partido, Jan-Pèire Monier, fiso de municioun à-n-aquéli qu’an leissa degaia sa Culturo Prouvençalo.

Acò ‘s de crounico d’emplega dins li cous de prouvençau, fin que lou mounde retrobe l’èime de soun païs e de soun pople, èime perdu, escafa, councha pèr uno soucieta que vòu que d’individu counsumaire, sènso culturo ni racino, pèr miés li countourroula e lis esplumassa. D’aqui la bello obro que se fai à Jounquiero, à l’Oustau di Jouine, emé li Cous de prouvençau, Vihado e Cafè prouvençau que fan flòri.

Emé Ma fournado de souveni, Jan-Pèire Monier, en umble escoulan dóu Bloundin, nous porge uno d’aquéli fournado goustouso que fau croumpa. A l’óudour dóu bon pan cousegu à l’anciano. Es uno vertadiero encicloupedìo pèr noste pople, drudo de raconte, pouèmo, citacioun, tout acò enlusi de mai de 200 ilustracioun bèn triado (foutò, dessin etc). Gramaci pèr tout.



couverture

barre de fin de page


 
 

1134857