Ensignadou

168



Felician David.
Armana prouvençau.
Ensignadou
Nòstis emissioun
Prouvèrbi.
Fau reciéucla lou plastique.
Editouriau : L’ourrour.
L’atualita en image.
L’Evenamen : Prouvènço menaçado.
De voues se soun amoussado
Janino Establet - Roudòu Boyer - Oudeto Stoeri - Lucian Bonnet - Franço Ariès - Jan-Enri Brun
Darniéri novo.
Lengo Regiounalo de Franço.
L’óulivié
Nòsti legèire foutougrafe.
Estage de prouvençau.
Trin di Fèsto e Manifestacioun Prouvençalo.
Councous e Pres.
La Brigo (06),Fèsto di Jouine... Fèsto dóu Pople....
Prouvènço Marino.
La Costo Bluio.
Marsiho e li Marsihés.
Bouvino : lou bistournage di biòu.
Li gènt d’eici :
Sivergo
Ludòvi Montagard.
Reinié Mathieu.
Jan-Pèire Monier.
Agachado sus l’aigo en Prouvènço.
La Manado.
Lis espacejado dóu barrulaire à velò : Pantai souto l’amelié.
Ansèume Matiéu, lou felibre di poutoun.
L’eigueto dóu castelet de Font-Clareto.
Li biais de viéure e d’èstre de l’Ome (IV)
Cantoun trufarèu d’Estève dóu Mas de Grichaud
Mesclun de Prouvènço.
Li Cahiers du Bayle-Vert.
La Pounchudo.








Mai de 55.000 persouno
an manifesta lou 31 de Mars



Lou dissate 31 de Mars lou mounde an manifesta pèr l’aparamen e la recouneissènço di Lengo de Franço.

Vaqui lou bilans d’aquéli manifestacioun que, au toutau, an recampa mai de 55.000 persouno :

  • Ajaccio : 800 pèr lou Corse.
  • Annecy : 100 pèr l’Arpitan (Savouiard).
  • Baiouno : 7.000 pèr lou Basco.
  • Estrasbourg : 1.000 pèr l’Alsacian.
  • Lilo : 150 pèr lou Flamen e lou Picard.
  • Quimper : 10 à 12.000 pèr lou Bretoun.
  • Perpignan : 7.000 pèr lou Catalan.
  • Toulouso : au mens 30.000 pèr l’Óucitan.

La manifestacioun de Toulouso a nouta la presènci d’uno candidato à l’eleicioun presidencialo : Eva Joly (Verd), acoumpagnado de Jóusè Bové deputa éuroupen, e di representant de dous àutri candidat : lou deputa Jan Lassalle, pèr Francés Bayrou (Modem) e Jan-Pèire Bel presidènt dóu Senat, pèr Francés Hollande (PS). Lis àutri candidat à la presidencialo èron absènt o noun representa, d’ùni, de cop que i’a, estènt contro, pèr jacoubinisme, uno poulitico de sauvo-gardo de nòsti lengo. 1.000 Prouvençalo e Prouvençau avien fa lou desplaçamen pèr l’aparamen de l’óucitan.

Devèn precisa, eici, que la Federacioun Parlaren en Vaucluso, comte tengu que ges de manifestacioun èron previsto en Prouvènço, avié douna coume counsigno à si sòci de s’apoundre, à respèt de sis óubligacioun famihalo vo proufessiounalo, à l’uno di manifestacioun que se debanarié, ounte que siegue, dins l’amiro d’apara l’ensèn di Lengo de Franço. #L’article 75.1 douno ges de dre

La situacioun, vuei, es la seguènto : la coustitucioun de la Republico (art. 75.1) recounèis que li Lengo de Franço fan partido de soun patrimòni mai sènso qu’acò - pousicioun aqui dóu counsèu coustituciounau - doune de dre particulié pèr lis ensigna e li proumóure. La proumesso d’uno lèi, que lou parlamen devié discuti e vouta, es pas estado tengudo.

D’un autre las, la carto éuroupenco di lengo regiounalo e minouritàri es toujour pas estado ratificado pèr lou meme parlamen, li mitan jacoubin, que siegue au gouvèr vo dins li chambro, esperant segur la desparicioun di darniéri generacioun de loucutour dóu brès encaro vivènt.

Adounc, la lucho countùnio. Es à chascun de n’en teni comte pèr lis eleicioun venènto.

Apoundren que, en Prouvènço, la situacioun lenguistico es forço coumplicado. D’un las, lou païs s’endrudis de-longo d’uno enmigracioun de pouplamen vengudo de l’en-deforo e d’aport migratòri vengu dis àutri regioun de Franço. Partènt d’aqui, uno bono part de la poupulacioun atualo acordon ges d’interès à la couneissènço e à l’emplé dóu prouvençau. D’un autre las, lou mitan assouciatiéu prouvençaloufone se despartis entre aquéli que volon apara la lengo dóu païs, adounc lou prouvençau, e aquéli que se recounèisson dins l’óucitan.

Mistral avié deja di : «se noun ères divisado, quau pourrié te faire lèi?».

Pèr uno revoulucioun culturalo

Avèn deja prepausa, dins lou passat, la creacioun d’un Coungrès Naciounau dis Assouciacioun Prouvençalo, ourganisacioun que respetarié tóuti li diferènci, tout en cercant à rassembla sus ço que i’a d’essenciau : la subre-vivènço dóu prouvençau, dins la diversita de si parla e de si biais d’escriéure, emé sa presènci sistematico dins l’ensignamen e li media.

S’es uno revoulucioun culturalo dins lis esperit que fau faire pèr i’arriba, es l’ouro de la faire. Senoun, deman sara trop tard.

sign_jgr





barre de fin de page


 
 

1118103