ensignadou


Libre-disque-nouvèuta
L’Almanach des Provençaux.

Ensignadou

Nòstis emissioun
Prouvèrbi pèr l’ivèr que banejo.

La bono draio

Editouriau :
Lou Groënland

Estage de prouvençau à St-Martin de Crau.

L’Evenimen :
Bòni Fèsto de Nouvè!

Nòsti dòu
Jaume Espelly
Reinié Jalabert.

Li Gènt d’eici.
Óublidés pas Charloun!
Serado d’ivèr.

Noste doursié : la Crau.
Li jasso antico de la Crau.
La Crau aièr, vuei e deman.
Lis escrivan e pouèto qu’an canta la Crau.

Espacejado dóu barrulaire à velò.
A la Font de Vau-Cluso.

La sesoun 2008 de la Bouvino
Setanto an de bouvino

Études comtadines
Azalaïs
Lou Cansounié prouvençau

Alegre!..Alegre!..Calèndo vèn!..

L'estello di set rai e li tradicioun de Nouvè.

La Valèio de la Roia, la Valèio di Santoun.

L’óurigino di dessèr de la taulo calendalo.

Nouvè 18.

Li pampaieto d’aur.

Trin di Pastouralo Prouvençalo.

Li Pastouralo Prouvençalo.

Nouvè trufarèu en Leberoun

Louvis Matiéu Verdilhan

Dis Aup i Pirenèu
Li quatre chato de Givaudan e de Prouvènço

Trin di manifestacioun Prouvençalo.

Libre-disque-nouvèuta
L’Almanach dauphinois pèr 2009
Femna mon amor de Sèrgi Bec
Lou Diciounàri de l’Ariege

 







Bòni Fèsto de Nouvè

Nouvè es en camin.

Sara uno fèsto marcado pèr la criso ecounoumico que s’empuro, emé de fabrico que barron, de mounde sènso travai, de gènt que dormon sus lou quitran di carriero!

Vous souvetan, pamens, de bòni fèsto de Nouvè, amigo e ami que legissès Li Nouvello.

Nouvè (dóu latin Nouellus Sol), Nadau (dóu latin Natalis) e Calèndo (periodo de quinge jour avans lou premié jour de chasque mes, en latin Kalendae) volon dire la memo causo : saludon, aquéli tres mot, la reneissènço dóu soulèu au soulstice d’ivèr, fenoumène que li diferènti religioun an agrega dins sa mitoulougìo.

Fau nouta, eici, que la celebracioun dóu soulstice d’ivèr n’a de significacioun que dins la partido temperado e nourdico de l’emisfèri nord de la Terro. Dins l’emisfèri sud, lou mounde intron, éli, lou 21 de desèmbre, dins... l’estiéu austrau, alor que nautre intran dins l’ivèr.

D’un autre las, n’a de significacioun que dins la partido de la Terro ounte lou climat es marca pèr de sesoun. N’a ges dins li regioun mounte passo l’equatour, bord qu’an qu’uno souleto sesoun caudo. Counèisson pas l’ivèr e nimai la nèu, franc de cop, pèr éli, s’an de mountagno proun auturouso.

Mai, au nostre, en Prouvènço e dins lou Miejour di Gaulo, l’ivèr, lou dur ivèr coumenço de faire vèire sa figo dóu nas. Alor, alestissen li fèsto dóu bout de l’an. Li Judiéu, éli, van celebra Hanouccah, sa Fèsto di Lumiero, dóu 21 au 29 de desèmbre. Li pople persan, qu’uno grando partido dis Iranian n’en soun, festejaran Shab-e-Yalda, en l’ounour de la reneissènço de Mitra, diéu de la lus, vincèire di tenèbro. Yalda se fai, en Iran, meme souto la joto dis ayatollah. I’a, eilabas, de marcat de Yalda coume avèn, eici, de marcat de Nouvè. La tradicioun dis qu’aquesto fèsto dóu soulstice d’ivèr es couneigudo despièi 10.000 an.

En païs berbère, tambèn, lou mounde aculiran lou soulstice d’ivèr que ié dison ennayer e tabburt ussegwass la proumiero di porto de l’annado.

Aiours, dins d’ùnis endré d’Éuropo, ounte subre-vivon de soubro d’anciàni religioun, li fiò dóu soulstice aluminaran la niue.

Pièi, dins lou mounde vengu crestian, sara Nouvè, li 24 e 25 de desèmbre, que counmemourara la neissènço d’un enfant vengu, coume Mitra, pèr sauva lou Mounde.

Enfin, d’ùni, dins si tèmple, festejaran lou 27 de desèmbre la Sant-Jan d’ivèr.

En Prouvènço, lou disié Mistral, Nouvè es la maje fèsto bord que, pèr lis ancian Prouvençau, l’annado anavo de soulèu en soulèu.

2009 que s’avanço sara, proubable, forço marrit. Aqueste Nouvè 2008, faudra bèn mignouta nòsti famiho, e bèn segur li mai pichot. Mai sara lou moumen, tambèn, de pensa de nousa de mai en mai de soulidarita nouvello, qu’auren besoun de tóuti pèr manteni lou Païs, soun Ecounoumìo, nosto Lengo e nosto Culturo Prouvençalo.

Bòni Fèsto de Nouvè, gènt de Prouvènço, di Païs d’Oc e di Païs Catalan! Bono e bello annado 2009! Que l’an nouvèu siegue un brave ome pèr vous e pèr li vostre!!

signcollo



1101359