ensignadou


Libre-disque-nouvèuta
L’Almanach des Provençaux.

Ensignadou

Nòstis emissioun
Prouvèrbi pèr l’ivèr que banejo.

La bono draio

Editouriau :
Lou Groënland

Estage de prouvençau à St-Martin de Crau.

L’Evenimen :
Bòni Fèsto de Nouvè!

Nòsti dòu
Jaume Espelly
Reinié Jalabert.

Li Gènt d’eici.
Óublidés pas Charloun!
Serado d’ivèr.

Noste doursié : la Crau.
Li jasso antico de la Crau.
La Crau aièr, vuei e deman.
Lis escrivan e pouèto qu’an canta la Crau.

Espacejado dóu barrulaire à velò.
A la Font de Vau-Cluso.

La sesoun 2008 de la Bouvino
Setanto an de bouvino

Études comtadines
Azalaïs
Lou Cansounié prouvençau

Alegre!..Alegre!..Calèndo vèn!..

L'estello di set rai e li tradicioun de Nouvè.

La Valèio de la Roia, la Valèio di Santoun.

L’óurigino di dessèr de la taulo calendalo.

Nouvè 18.

Li pampaieto d’aur.

Trin di Pastouralo Prouvençalo.

Li Pastouralo Prouvençalo.

Nouvè trufarèu en Leberoun

Louvis Matiéu Verdilhan

Dis Aup i Pirenèu
Li quatre chato de Givaudan e de Prouvènço

Trin di manifestacioun Prouvençalo.

Libre-disque-nouvèuta
L’Almanach dauphinois pèr 2009
Femna mon amor de Sèrgi Bec
Lou Diciounàri de l’Ariege

 









Louvis Matieu Verdilhan

Nascu lou 24 de nouvèmbre de 1875 dins uno famiho proutestanto de Sant-Gile dóu Gard, Matiéu a que dous an quouro soun paire, faturaire, planto caviho à Marsiho pèr faire lou cantounié. La vido es mal-eisado pèr li Verdilhan.

À douge an, Matiéu fai l’aprendis vers un barbouiaire, pièi countùnio sa fourmacioun encò de mai d’un artisan.

En 1895, part de Marsiho e mounto à Paris ounte lou decouraire Karbowski ié prepauso d’oubra em’ éu. Après quàuqui mes, en 1896, s’entorno à Marsiho e rescontro un pintre, Maglione, que vendra soun ami, e l’abouticàri Eimound André, que sara soun mecenas.

Lou diapourama dóu Mounegue

À vinto-quatre an, pren part, à l’espousicioun universalo de 1900, au farga d’un diapourama de 12 mètre de long que depinto l’espandidou de la Principauta dóu Mounegue, vuei au Monte-Carlo Sporting Club. Alor que se trobo espitalisa à l’Hôtel- Dieu de Marsiho, pèr l’encauso de la perdo de soun uei gauche, quaranto de si telo soun moustrado à la galarié Braun à Marsiho, lou 22 d’óutobre de 1902. Esperara tres annado pèr saupre soun proumié sucès au Palais dis Architèite, avengudo dóu Prado, mounte espauso entre lou 25 de mars e lou 2 d’abriéu de 1905. Eimound André gardo tóuti lis obro e tant pis pèr lis amiraire de Matiéu Verdilhan, que rèston sus si dènt.

Coume que vague, lou mecenat d’André duro gaire de tèms. Alor que bagno dins un councert de laus, lou pintre es astra pèr lou courrènt empressiounisto. Fai la chausido de se metre en questioun.Deçaupu, André lou laisso, mai Matiéu a la crespino e rescontro Latil, prouprietàri d’uno tanarié à Touloun. L’endustriau varés venguè soun segound mecenas. Matiéu fai soun sant-miquéu au 12 quèi dóu Canau, e óucupo un cantoun de l’ataié de Maglione.

Entre Marsiho e Paris

oeuvre de Verdardilhan

Tre 1906, mostro regulieramen sis obro à la Soucieta dis Artisto Independènt emai au Saloun d’Autouno, que n’en vendra sòci en 1913. Soucieta que ié pourgira uno mostro poustumo en 1929, pas gaire après sa mort.

Entre 1906 e 1908, trèvo lis vesprado literàri dóu Castèu de Carlevau en Alau, serado mounte la pouësìo de Verlaine es l’interès maje. De coutrìo emé soun fraire Andriéu, pintre em’ escultour, tambèn e sis ami Cabasson, Audibert, Lombard, es un di primadié de l’Acadèmi d’Alau, foundado pèr Jan de Beaumont. Es pèr pas se mau-mescla ‘mé soun fraire que prendra lou segound pichot noum de Louvis.

En 1908, loujara vers lou pintre Girard, 12 quèi de Rivo-Novo, à Marsiho. En setèmbre rèsto mai de sièis mes, carriero Hoche. Coumandita pèr Jouachim Gasquet e Savié de Magallon, fai forço dessin e pastèu, e mai de vinto-cinq telo dóu pargue.

Espauso à la galarié Bernheim emé Cross, Signac, Valloton, Bonnard e Vuillard. En 1910, la galarié Druet l’aculis emé Manguin, Laprade, Marquet e Matisse. De 1910 à 1914, l’artisto fai d’ana-veni entre Marsiho e Paris.

Un pintre en guerro

La debuto dis oustileta faguè trebasta lou plan e l’aventuro espressiounisto de Matiéu s’esvaliguè. Dóu tèms de la moubilisacioun generalo de 1914, Matiéu es afeta, proumié, i service aussiliàri, pièi, en 1915, au 10en Regimen d’Artiharié d’à pèd. Dins l’annado, doulènt de mau d’os, fai uno demouranço i termo di Camouin, proche Marsiho. Lou 10 de mai de 1916, aprouficho d’uno reformo tempouràri que sara renouvelado enjusqu’à la fin de la guerro. Dins aquesto pountannado, fai la couneissènço de Marquet, istala dins un ataié presta pèr lou pintre Eugèni Montfort. Lou 6 de mars de 1919, Verdilhan s’amouiero emé la chato dóu pintre Alfred Casile. lé dison Eleno-Marìo qu’es sa cadeto de mai de vint an. Lou maridage es celebra à la coumuno de z’Ais. Li temouin soun lou pintre Jóusè Fregier e lou pouèto Emile Sicard. Aquéu d’aqui avié fa parèisse dins la revisto Lou Fiò quàuqui jour avans, un óumenage escri titra À Matiéu Verdilhan.

Li nòvi s’istalon 45 Cours Mirabèu, pièi dins uno bello bastido que ié dison La Magotte. Au bout d’un pau de tèms, a leissa z-Ais pèr Cassis. Lou sejour sara courtet e tre 1920 quitaran lou pichot port mieterran, proumié, pèr Marsiho, pièi pèr Roco-Vairo, jusqu’en 1922. Lou 27 de setèmbre de 1920 marcara la souleto reüssido óuficialo dóu pintre, manjo dins si quaranto-cinq an.

En quisto de la glòri

Lou countrat signa bono-di Bourdelle emé lou mège Girardin, prouprietàri de la galarié de la Licorno à Paris, èro inespera. Matiéu Verdilhan es aseiga de bonur. Pamens, quàuqui jour sufiran, lou tèms de sa mostro, pèr que lou pantai s’esvanigue : soun coumanditàri l’abandouno pèr de resoun d’argènt. La criso ecounoumico destourbo la vido soucialo e esvarto li darniés afouga d’art. De mai, en 1920, li courrènt artisti se soun aluencha de la creacioun «fauvo», e meme se d’ùnis artisto semblant faire obro óuriginalo dins aquel estile, parèisson de vogo. Es lou cas de Matiéu que finis l’espausado sènso faire un pache. N’i’a qu’Antòni Bourdelle que crèi enca à soun gàubi e s’encagno pèr ié faire counèisse la glòri de soun viéu. Testardas, lou vai metre au toco-toco emé soun marchand new-yourkés Krausharr. L’esperiènci duro pas forço tèms.

Après tres an, lis escàmbi s’acabon. Es l’avalimen de si bèu pantai. En 1923, Verdilhan logo un ataié à Mount-Parnasse, dins uno estounanto bastisso facho de palisso e àutri matèri d’agrasamen venènt de l’espousicioun universalo de 1889, que li pintre de Mount-Martre an envestido. Lou gardara jusqu’à la fin de sa vido. En Prouvènço, lou pintre e sa femo van de Sanàri à Roco-Vaire. En 1925, fai pèr l’Opera de Marsiho uno visto de la catedralo de la Majour. Aquesto pinturo es toujour aquito. Lou 15 de nouvèmbre de 1928, coume restavo dins li dependènci de la prouprieta dóu mège Simoun, s’amoussè d’un cancer de la gargamello.

signben



deco de bas de page

1081928