Andriéu Degioanni.
Ensignadou.
Prouvèrbi pèr l’ivèr qu’es aqui.
E la nèu toumbè...
Editouriau :
Au Tor volon pas dis OGM
Novo - Assabé - Estage.
L’Evenimen :
Nòsti vot pèr 2009.
L’Annado «Mirèio».
Trin di Fèsto e Manifestacioun Prouvençalo.
Nòsti dòu
Marcèu Petit - Jan-Lu Malacarne - Jan Markale - Emilo Bonnel.
Li Gènt d’eici
Descuberto de Tarascoun.
L'edicioun De Mirèio pèr lou Creddo.
Au cor de la bouvino e la bouvino au cor.
Tablèu d’Ounour 2008
Encicloupedìo dóu Var..
Espacejado dóu barrulaire à velò.
Lou sautadou de Droumo.
Lou tarot de Marsiho.
Novo de la man dóu reiaume dóu Rose.
Li loup pèr Jan-Marc Moriceau
Darnié resson de Calèndo
Lemouzy
Conte
Nouvè en Alsaço
Li Pastouralo Prouvençalo.
Trèvo de la niue e Èsse imaginàri.
Armana de Lousèro.
Semanié 2009.
Au Tor, en Vaucluso, se soun douna, lis eleitour, un nouvèu municipe. Es verd, coume soun proumié conse, Jaque Olivier, qu’es tambèn counseié regiounau.
Acò sèmblo pas, mai aquest ome vèn d’embandi uno revoulucioun que, proubable, vai faire de pichot.
D’efèt la ciéuta dóu Tor, pèr uno deliberacioun dóu 20 de mai de 2008, a pres la decisioun d’enebi, sus soun territòri, la culturo dis OGM (ourganisme geneticamen moudifica).
Lou prefèt de Vaucluso, bèn segur, poudié pas leissa passa ‘cò. Pourtè l’afaire davans lou tribunau amenistratiéu de Nime en ié demandant d’anula aquesto deliberacioun.
Mai pataflòu! Lou tribunau amenistratiéu, en dato dóu 21 de nouvèmbre de 2008, a rejita la demando dóu Prefèt. La seguido? La deliberacioun dóu municipe dóu Tor es legalo, la decisioun dóu tribunau vai faire jurisprudènci. Se dis, aro, que d’àutri coumuno de Vaucluso van prendre lou trin en marcho. Aurenjo vèn de lou faire. Lou Bausset, Ate, Entrechaus pourrien segui.
Lis OGM, ramenten-lou, presènton de dangié counsiderable. Souto l’escampo de nourri li poupulacioun, es un apaurimen de la bioudiversita de la Naturo que nous menaço, emé, coume counsequènci, d’èstre souto la joto di multinaciounalo di semencié (couquin de sort! encaro un mot qu’avèn pas dins nòsti diciounàri de prouvençau...) que volon countourroula lou marcat di semenço e engranja d’inmènsi proufié. D’un autre las, l’entrouducioun dis OGM sus un territòri douna fai courre lou risque d’uno poulucioun genetico di planto e flour terradourenco e, après, d’uno poulucioun dóu mèu recourda, bord que lis abiho fan pas la diferènci.
Lou Tor vèn de nous baia l’eisèmple de la resistènci.
Emé d’ome e de femo decida es poussible, lou vesès bèn, de faire requiéula lou malastre e de proutegi l’eiretage vegetau di generacioun futuro.
Desenant, sian à l’espèro, toujour au Tor, de ço que van veni li decisioun d’un autre doursié : lou dóu proujèt Veniso en Venessin » que voudrié faire de nòsti Sorgo e de si ribeirés un grand brounze-quiéu pèr empiastra, finança pèr de founs de pensioun american.
