Diciounàri dis autour de Lengo d’O.
Ensignadou.
Prouvèrbi de la primo que flouris.
Es la soulucioun?
Editouriau :
Lou tèms dis anniversàri.
Estage de Lengo e de Culturo Prouvençalo.
L’Evenimen :
Lou numerò 150 vèn d’espeli.
L’Annado «Mirèio».
Souscripcioun : Sus li piado de Mirèio
. Trin di Fèsto e Manifestacioun Prouvençalo.
Councours 17en di Jouine de Prouvènço.
Camin crousa.
Troubadour de vuei.
Jan-Bernat Plantevin
Frederi Vouland
Gui Bonnet.
«Lou Tèms dóu Coustume
Armand Meffre - Enri Charmasson.
Li Gènt d’eici.
Dounzero
Lou patrimòni de Caumount
Jùli Coupier
Memòri de Caroun
la Ditado de Parlaren Bedarrido
Li courduriero de Parlaren Païs
Li papo en Avignoun.
10en Coungrès de Parlaren en Vaucluso.
Lou bon rèi Reinié.
Li blasoun dóu rèi Reinié.
Lou pont rouman de Nioun.
Espacejado dóu barrulaire à velò.
Velò d'oustau.
La cigalo e la fournigo
La chifro 4
Antoulougìo dis autour coumtadin (I).
Journado dóu libre de Sablet
Tradicioun.
Un belèn sènso termino
Quàuqui remèdi de la medicino poupulàri prouvençalo
Au cor de la bouvino
Lou Cleiroun.
Dins lis Aupiho de Sant-Roumié.
Noum d’oustau de Vaucluso.
Arqueoulougìo en Vaucluso.
L’annado 2009 a debuta emé lou bandimen di manifestacioun pèr counmemoura l’anniversàri 150en de l’espelido de Mirèio lou cap-d’obro de Frederi Mistral. Se capito, pamens, que d’anniversàri n’i’a bèn d’autre que regardon nosto Istòri e nosto Identita.
Evoucaren, d’abord, lou mai liuenchen dins lou tèms que fuguè marca, lou 22 de juliet de 1209, pèr la casudo e lou chaple de Besiés que veguèron quàsi touto la poupulacioun (20.000 amo) d’aquesto ciéuta miejournalo, massacrado e cremado pèr li crousa que s’èron recampa à la crido d’un papo.
La memòri, aqui, a retengu lou mot terrible presta au legat papau, Arnaud Amalric, abat de Citèu, pèr lou teoulougian cistercian alemand medievau, Cesàri de Heisterbach (vers1180- avans1250 ) : Caedite esos, novit enim Dominus qui sunt eius! (Tuas-lèi tóuti, Diéu couneira li siéu). Besiés, en juliet de 2009, se ramentara aquest evenimen afrous que sagelè lou coumençamen de la fin de nòsti liberta.
Un siècle après, en 1309, es lou papo Clemènt V que venguè s’istala en Avignoun, vilo que la rèino Jano vendeguè pièi en1348 à-n-un de si sucessour. Avignoun celèbro, aquest an 2009, l’arrivado di papo que ié restèron un siècle. D’aquesto pountannado, la ciéuta di papo n’a eireta lou palais que fai sa fourtuno emé li touristo e lou Festenau internaciounau de l’estiéu.
Lou 14 de janvié de 1409 neisseguè, en Angié, Reinié d’Anjou, lou que li Prouvençau escais-noumèron lou bon rèi Reinié. Èro lou drole de Louis Dous, du d’Anjou e de Vióulando d’Aragoun. Pèr soun paire, èro un capecian e, pèr sa maire, se restacavo i rèi d’Aragoun. Ais, Tarascoun e Angié festejon, aquest an, sa neissènço e soun reinage. Reinié, à 25 an, avié deja un mouloun de titre : du de Lourreno, du de Bar, du d’Anjou, rèi de Naplo e de Sicilo, rèi de Jerusalèn e, pèr la bono bouco, comte de Prouvènço.
Óublidaren pas, dins un tèms que lou creaciounisme religious vòu foro-bandi la dóutrino de l’evoulucioun dis espèci, que Carle Darwin neisseguè lou 12 de febrié de 1809. L’Istitut Internaciounau Charles Darwin, qu’a soun sèti à Pue-Celsi, en Carci, sara presènt dins l’estiéu, en Prouvènço, à Quinsoun, ounte lou despartamen dis Aup de Prouvènço-Auto prepausara un Village Darwin.
Enfin, fau se ramenta que lou 11 de jun de 1909 un terro-tremo touquè touto la Prouvènço, en particulié li relarg de Lambesc, Sant-Canat, Rougno e Lou Varnègue. Faguè aperaqui 46 mort.
