ensignadou




Diciounàri dis autour de Lengo d’O.

Ensignadou.

Prouvèrbi de la primo que flouris.

Es la soulucioun?

Editouriau :

Lou tèms dis anniversàri.

Estage de Lengo e de Culturo Prouvençalo.

L’Evenimen :

Lou numerò 150 vèn d’espeli.

L’Annado «Mirèio».

Souscripcioun : Sus li piado de Mirèio

. Trin di Fèsto e Manifestacioun Prouvençalo.

Councours 17en di Jouine de Prouvènço.

Camin crousa.

Troubadour de vuei.
Jan-Bernat Plantevin
Frederi Vouland
Gui Bonnet.

«Lou Tèms dóu Coustume

Armand Meffre - Enri Charmasson.

Li Gènt d’eici.
Dounzero
Lou patrimòni de Caumount
Jùli Coupier
Memòri de Caroun
la Ditado de Parlaren Bedarrido
Li courduriero de Parlaren Païs

Li papo en Avignoun.

10en Coungrès de Parlaren en Vaucluso.

Lou bon rèi Reinié.

Li blasoun dóu rèi Reinié.

Lou pont rouman de Nioun.

Espacejado dóu barrulaire à velò.

Velò d'oustau.

La cigalo e la fournigo

La chifro 4

Antoulougìo dis autour coumtadin (I).

Journado dóu libre de Sablet

Tradicioun.

Un belèn sènso termino

Quàuqui remèdi de la medicino poupulàri prouvençalo

Au cor de la bouvino

Lou Cleiroun.

Dins lis Aupiho de Sant-Roumié.

Noum d’oustau de Vaucluso.

Arqueoulougìo en Vaucluso.









La passejado dóu Cleiroun à Paris

Siéu ana cerca dins lou fin-founs dóu tiradou pèr vous counta aquelo istòri dóu Cleiroun.

A Bèu-Caire li biòu sourtien au son dóu cleiroun pièi i’avié un roulamen de tambour que s’arrestavo uno fes qu’èron dins lou round. D’aqui lou noum de Cleiroun douna à-n-un biòu famous de la manado Delbosc, e que nasquè en 1920 dóu tèms de Granon. Fara sa darriero courso lou 19 de setèmbre de 1937. Granon dounara pièi lou biòu à la vilo de Bèu-Caire. Lou Clairon fuguè tua e douna à manja i vièi de l’óuspice.

illustration

Peravans, e dóu tèms de la glòri dóu biòu, lou Conse de Bèu-Caire avié pres la decisioun de ié faire auboura uno estatuo. Es l’escultour Courbier que fuguè carga de faire lou brounze. Mai pèr faire acò, Courbier vouguè lou faire à Paris, soun-que i’aurié pas rèn. Après mai e mai de discussioun, lou Conse, Granon e Huisman, lou direitour di Bèus Art, decidèron que Lou Cleiroun s’enanarié à la capitalo, louja au Jardin di Planto, embarra dins uno bouito coume li biòu espagnòu, em’ à soun coustat uno vaco pèr ié teni coumpagnié. Faguèron lou vouiage dóu Quila à Lunèu emé lou càrri, pièi dins un vagoun de Lunèu enjusqu’à Paris.

Pèr Lou Cleiroun e sa vaco, fuguè un encantamen, fuguèron meraviha (Arc-de-Triomphe, Champs Elysées, Place de la Concorde, Tour Eiffel), pèr sa passejado en camioun enjusqu’au Jardin di Planto. Manquèron mai que d’un cop de s’escapa au desbarcamen, bord que li parisen avien fa qu’un courredou de quàuqui plancho gaire soulido. L’amenistracioun vouguè rèn entèndre di respounsableta amenistrativo e juridico.

Lou Cleiroun e sa coumpagno avien rèn manja dins la courregudo mau-grat l’atencioun di gardian Jóusè Chapelle e Jan Gervais. Quàuqui jour après, la vaco toumbè malauto, fauguè l’óupera. Granon carguè Chapelle de faire lou travai, óuperacioun reüssido!, fuguè caud pèr li gardian, mai avian afaire en de gènt de mestié. Uno fes sus la terro fermo, li biòu se requinquihèron e Courbier poudié coumença si croucadis. Quàuqui tèms après, l’escultour avié acaba soun travai e Lou Cleiroun e sa coumpagno s’entournèron i prat dóu Quila (avien forço causo de counta à si fraire e sorre qu’èron resta à la manado).

Quàuqui semano plus tard, Courbier adreissè à la coumuno de Bèu-Caire la maqueto : vai counveni à un detai proche. La representacioun èro un biòu entié, mai Lou Cleiroun èro esta bistourna dins l’age de 3 an. L’escultour vai revèire soun mole pèr bistourna un cop de mai lou biòu, pièi coumencè lou travai de foundèire. La bono nouvello arrivè enfin, l’estatuo èro acabado, mai la fauguè faire veni à Bèu-Caire. Un camiounas de liéume de Castèu- Reinard mounta à Paris, que devié tourna vuege pourtara lou brounze.

Dóu 21 au 31 Juliet de 1939, pèr sa famouso fiero, Bèu-Caire visquè quàuquis ouro d’estrambord.

Prougramo óuficiau : Gràndi Fèsto Triounfalo dóu biòu camarguen Lou Cleiroun. Tout lou mounde, soucieta taurino, lou Conse e soun counsèu, F. Granon, fuguèron presènt à-n-aquéli fèsto. Group fóuclouri de Prouvènço e dóu Lengadò roudanen, soucieta musicalo, gardian à chivau e chato coustumado en Mirèio e Arlatenco faguèron un magistrau passo-carriero.

La soucieta dóu camin de ferre avié fa uno reducioun de 50% sus li vouiage venènt d’Alès, Lou Vigan, Lou Grau-dóu-Rèi, Aurenjo, Avignoun, Remoulin, ansin que d’Arle, Mount-Pelié, Lunèu e Miramas. Adounc es no foulo inmènso que venguè rèndre un darrier óumage au biòu camarguen : Lou Cleiroun. Aquéu d’aqui mouriguè 3 an plus tard, pendènt la guerro, en 1942, dins li prat dóu Quila. Lou 4 de Febrié de la memo annado, dins la campagno de recuperacioun di metau noun ferrous, l’estatuo fuguè desboulounado e empourtado pèr uno destinacioun incouneigudo.

Lou 12 de Febrié de 1959, coustitucioun d’uno assouciacioun : Lou Cleiroun, emé 21 peirin demié li quau Andriéu Chamson, Danié Colomb de Daunant, F. Granon, Jan Giono, Marcèu Pagnol, Pablo Picasso, Pau Ricard e n’óublide. Lou 28 de Juliet de 1963, pèr ounoura encaro un cop lou Cleiroun qu’es, desenant, en betum armeja, Granon, malaut dins soun oustau dóu Quila, noun vendra. Mai li rasetaire Julian Rey, l’as dis as, Bertran e Viaud, tóuti tres, que dins lou tèms avien desencoucarda lou biòu, retirèron lou vèu de l’estatuo. Lou Cleiroun èro revengu dins sa vilo de Bèu-Caire.

signvidal

deco de bas de page

1116742