152

La grando Damo de Praviel.

Ensignadou.

Prouvèrbi pèr l’Estiéu qu’es aqui.

Ma sorre Ano avié rendèsvous...

Editouriau :
Uno revoulucioun qu’es pas verdo.

Estage de Lengo e de Culturo Prouvençalo.

L’Evenimen :
PACA? Fau vouta!!

Juliet de 1209 : lou masèu de Beziés.

Li Gènt d’Eici - Annado Mirèio.

De voues se soun amoussado.

Li lengo de Franço.

Evenimen e rendu-comte.

Lou saupre-faire di Coumtadino

Fiero e marcat de Prouvènço e ...d’aiours

Espousicioun
Avignoun : Mirèio pèr l’image.

Trin di Fèsto e Manifestacioun :
Carreto.
Targo.
33en Festenau Prouvençau.

Darwin

Lis espacejado dóu barrulaire à velò.
La bèstio de la Pichoto Crau.

Mirèio, un pichot guide pèr Prouvènço.

Escourregudo à Cucuroun.

Lou Senglié, lou biòu diéu de la bouvino.

Anniversàri à Pue-Ricard.

Destincioun.

Disque nouvèu.
l’Acadèmi dóu Tambourin.
Corne d’aur’Oc.
Un camp en lousèro.

Dins li piado de Mirèio

Es en Arle, lou 23 de Mai darnié, que Lou Prouvençau à l’Escolo a presenta l’album, pèr lis enfant, Dins li piado de Mirèio.

Natalìo Seisson, uno Maianenco, que beilejo lis edicioun dóu «Prouvençau à l’Escolo», respond aqui is entrèvo d’Ive Humann :
Li Nouvello : - Natalìo, vous qu’avès diregi la publicacioun de Dins li piado de Mirèio, parlas-nous un pau d’aqueste proujèt.
Natalìo Seisson : - Manto uno manifestacioun celèbron aquest an lou 150en anniversàri de la parucioun de Mirèio. Au Prouvençau à l’Escolo se sian dis que devian adurre nosto pèiro à-n-aquelo mount-joio. Pamens voulian pas faire uno edicioun classico de mai de Mirèio. Lou proujèt que greiè partiguè de nosto esperiènci d’ensignarello que sian tóuti tres - Nanoun Lambert, Nadino Guigue e iéu meme - e de la coustatacioun qu’avèn facho de la dificulta de faire counèisse e subre-tout estudia Mirèio i pichot.
Estènt que la toco dóu Prouvènçau à l’Escolo es toujour estado, proumié, pedagougico, avèn alesti un mouloun d’eisercice en raport emé l’obro e, cant pèr cant, que s’apielon sus un raconte simple, mai fidèu à l’epoupèio mistralenco, que conto touto l’istòri de Mirèio.
Li Nouvello : - Aqueste travai es esta ilustra pèr Cristòu Lazé.
Natalìo Seisson : - Vo, avèn vougu travaia em’ un dessinaire proufessiounau pèr faire uno bello obro que marcara. Lazé avié adeja ilustra mant un oubrage sus Prouvènço (diciounàri francés-prouvençau emé Felipe Blanchet etc…). Emai siegue aliuencha (que rèsto en Bretagno) fuguè pas un proublèmo de travaia em’ éu. Em’ uno grando sensibleta e uno Pèr lis enfant : «Dins li piado de Mirèio» a creba l’iòu Nadino Guigue, Natalìo Seisson, Cristòu Lazé e Ano Lambert an realisa Dins li piado de Mirèio grando inteligènço, a sachu retipa li persounage e li païsage pèr rèndre au mai proche li coulour e la calourasso dóu Miejour. Vole aqui lou gramacia pèr sa coulabouracioun amistouso. Si dessin me sèmblon, meton bèn lou raconte en valour.
Souvetan d’aquéu biais qu’aqueste travai permete de miés faire counèisse de founs, i jouine, de 7...à 77 an (e belèu mai...), l’epoupèio mistralenco que marquè la Reneissènço Prouvençalo. Basto restèsse pas ansin soulamen uno obro mai famouso que veraiamen couneigudo.
Ié caupon, dins Dins li piado de Mirèio 1 album pèr li pichot + 1 CD + 1 libret pedagougi. Lou disque sarra es esta enregistra emé li voues de Roumié Graillon (Andreloun), Ano Lambert (Mama), Nina Graillon (Zeto), Michèu Bouisson (Not), emé 3 cansoun interpretado pèr Li Tard-quand-dine. Lou doursié pedagougi es esta realisa pèr Nadino Guigue, Ano Lambert e, iéu-memo, Natalìo, qu’ai assegura la couourdinacioun de la Publicacioun.
Li Nouvello: - Gramaci Natalìo. Demandan à nòsti legèire de sousteni aquesto obro qu’a beneficia de l’ajudo dóu Counsèu Regiounau de Prouvènço e dóu Counsèu Generau di Bouco de Rose.