152

La grando Damo de Praviel.

Ensignadou.

Prouvèrbi pèr l’Estiéu qu’es aqui.

Ma sorre Ano avié rendèsvous...

Editouriau :
Uno revoulucioun qu’es pas verdo.

Estage de Lengo e de Culturo Prouvençalo.

L’Evenimen :
PACA? Fau vouta!!

Juliet de 1209 : lou masèu de Beziés.

Li Gènt d’Eici - Annado Mirèio.

De voues se soun amoussado.

Li lengo de Franço.

Evenimen e rendu-comte.

Lou saupre-faire di Coumtadino

Fiero e marcat de Prouvènço e ...d’aiours

Espousicioun
Avignoun : Mirèio pèr l’image.

Trin di Fèsto e Manifestacioun :
Carreto.
Targo.
33en Festenau Prouvençau.

Darwin

Lis espacejado dóu barrulaire à velò.
La bèstio de la Pichoto Crau.

Mirèio, un pichot guide pèr Prouvènço.

Escourregudo à Cucuroun.

Lou Senglié, lou biòu diéu de la bouvino.

Anniversàri à Pue-Ricard.

Destincioun.

Disque nouvèu.
l’Acadèmi dóu Tambourin.
Corne d’aur’Oc.
Un camp en lousèro.

Lis Edicioun Barthélemy an realisa un pichot libre de la cuberto cartounado, sus lou tèmo di fiero e marcat, di sauto-en-barco e di vièi mestié. A ‘speli à la demando de la Federacioun Naciounalo di Sendicat di Marcat de Franço. Es uno óuperacioun de coumunicacioun qu’a pèr toco de miés faire counèisse aquéu mounde e la vido di gènt que lou fan, coume d’apara li marcat de Prouvènço e dóu negòci de proussimeta. Es esta encaro un mejan de manteni un emplé-jouine dins nosto Regioun, lou de l’encargado de coumunicacioun di sendicat.

Es Jan Marcellin e sa chourmo que, pèr lou biais de dessin óuriginau, umouristi e acoulouri, de bendo dessinado e de tèste, nous fan intra dins l’univers di fiero e marcat e di gènt que li trèvon, li fieraire. Nous menon is óurigino dóu negòci e di dardèno, vesèn l’evoulun di marcat, de Roumo à vuei, nous presènton li vièi mestié, que n’i’a encaro que duron, li gràndi fiero regiounalo e, bèn segur, li marcat de Prouvènço coume : fiero di santoun, marcat sus l’aigo de l’Ilo de Venisso, la crido di pèis, à Marsiho, lou marcat di rabasso, la fiero di cebo, en Aurenjo, e bèn d’autre. Lou libre s’acabo pèr uno bendo dessinado qu’evoco la proumiero journado d’un fieraire.

Es, aquel oubrage, l’apèu de proufessioun que fan noste quoutidian, fan partido de nòsti tradicioun, de noste biais de viéure, e nous permeton d’escapa encaro, pèr sa proussemita e sa counvivialita, au mounde dessena que nous envirouno, d’aquéli proufessioun que soun vuei inquieto e se veson, pèr d’ùni, amenaçado. Alor, se voulès lis ajuda, fau pas èstre en chancello.

De nouta qu’à la fin, avès la tiero di laureat di Parosoulèu d’Or, que, dempièi 2000, guierdounon li marchand e persounalita qu’an bèn oubra pèr si marcat em’ uno obro d’art, creado e escultado pèr Ive Galzin. Prefàci èi de Glaude Haut, presidènt dóu Counsèu Generau de Vaucluso.