152

La grando Damo de Praviel.

Ensignadou.

Prouvèrbi pèr l’Estiéu qu’es aqui.

Ma sorre Ano avié rendèsvous...

Editouriau :
Uno revoulucioun qu’es pas verdo.

Estage de Lengo e de Culturo Prouvençalo.

L’Evenimen :
PACA? Fau vouta!!

Juliet de 1209 : lou masèu de Beziés.

Li Gènt d’Eici - Annado Mirèio.

De voues se soun amoussado.

Li lengo de Franço.

Evenimen e rendu-comte.

Lou saupre-faire di Coumtadino

Fiero e marcat de Prouvènço e ...d’aiours

Espousicioun
Avignoun : Mirèio pèr l’image.

Trin di Fèsto e Manifestacioun :
Carreto.
Targo.
33en Festenau Prouvençau.

Darwin

Lis espacejado dóu barrulaire à velò.
La bèstio de la Pichoto Crau.

Mirèio, un pichot guide pèr Prouvènço.

Escourregudo à Cucuroun.

Lou Senglié, lou biòu diéu de la bouvino.

Anniversàri à Pue-Ricard.

Destincioun.

Disque nouvèu.
l’Acadèmi dóu Tambourin.
Corne d’aur’Oc.
Un camp en lousèro.

Acadèmi dóu Tambourin...

Emé soun nouvèu disque, l’Acadèmi dóu Tambourin, souto la beilié de Maurise Guis, nous pourgis un tour d’ourizount di musico de la Prouvènço tradiciounalo.

- Encaro un disque de musico tradiciounalo!, me dirés, un de mai, fasèn que vira dins un ciéucle barra. Dirai segur de noun bord qu’entendèn d’èr que pèr uno bono part nous soun pas coustumié e soun, nous dison dins lou libret, d’uno coulour ourquestralo un pau diferènto, qu’es sa coulour óuriginalo. Pèr acò, de fes que i’a, galoubet e tambourin soun acoumpagna d’un ensèn d’estrumen de couire (Ensèmble Mistral : cournet, cor, tuba) o d’un quatuor de cordo (Quatuor Saint-Jean). Arrivo pièi à la quitarro d’acoumpagna lou cant (Les jardinières, Magali).

Lis èr recampa dins lou disque soun d’abord li que soun jouga dins li fèsto prouvençalo, li que Francés Vidal cresié d’èstre d’èr naciounau de Prouvènço e que publiquè en 1864 dins soun oubrage Lou Tambourin. Forço pièi se soun fóuclourisa dins lou vanc de la Reneissènço Prouvençalo e dóu Felibrige.

S’enganavo, sabèn que lis èr entendu coume «prouvençau» soun, pèr lou verai e pèr sa maje part, d’èr à la modo, emprunta en de cansoun poupulàri de divèrsis óurigino, parisenco souvènti- fes, e d’opera dóu siècle 18en e de la debuto dóu 19en, que li tambourinaire amavon de jouga. Prouvènço lis a fa siéu en li retenènt e li cultivant. L’interès dóu disque, en mai d’aquéu biais nouvèu de lis abourda, es de nous douna de seguido d’èr de fèsto, coume La Noço à Fricoto (5 èr o figuro), Li courso de la Tarasco (5 èr e dintre éli la celèbro Farandoulo di Tarascaire), Li Jo de la Fèsto-Diéu»(4 èr, emé li chivau-frus), la Sant-Aloi dóu relarg marsihés (èr di Gaudet), li Voto (èr de la Gràci dóu Roumavàgi), Carnava (Lei cocot).

I’avié tambèn li danso óuferto is oste de marco, coume li jardiniero, lis óuliveto, li courdello, li musico di proucessioun religiouso, coume la marcho de sant Brancai, e li di mèstre de danso.

Vaqui dounc tout un ensèmble de rigaudoun, quadriho, controdanso, gigo, menuguet, gavoto, farandoulo, marcho e aubado que pourran èstre uno descuberto, vous encantaran e vous faran passa un bon moumen. Aqueste disque es dedica à la memòri dóu tambourinaire Jan-Louïs Gras (1945-2008).