Vous dounan dins li pajo seguènto aqueste tèste, revira au prouvençau pèr lou Cèntre de Doucumentacioun Prouvençalo de Parlaren, à Bouleno. Acò permetra à nòsti legèire de segui l’avançamen de nòstis afaire dins uno pountannado proun bourroulado.

Lou proujèt de lèi qu’èro proumés pèr lou gouvèr de Franço sara, forço proubable, descouti qu’à la sessioun de rintrado, adounc au darnié trimestre de l’annado 2009.

Pèr aro, avèn de nouta que lou groupe d’estùdi sus li lengo regiounalo de la legislaturo 2007-2012 recampo 71 deputa. Dintre éli n’i’a 8 de Prouvènço-Aup-Coustiero d’Azur : Jan-Glaude Bouchet (84), Jan-Michèu Ferrand (84), Crestian Kert (13), Terris Mariani (84), Rudy Salles (06), Danié Spagnou (04), Guy Teissier (13) e Michèu Vauzelle (13). Dous despartamen ié soun pas representa : Àutis-Aup e Var.

Es à vàutri, amigo e ami que nous legissès, de faire saupre à vòsti deputa que voulèn e que voulès qu’un tèste de lèi, aplicable à la sauvo-gardo e à la proumoucioun di lengo regiounalo de Franço, siegue enfin vouta pèr l’Assemblado Naciounalo pièi presenta au Senat.