Fanfonne Guillierme
- Dins li piado de Mireio
- Le Costume Comtadin
- Foires et Marchés...
- L'Académie du Tambourin
- Corne d'aur'Oc.
- Un camp en Lousèro.
152
La grando Damo de Praviel.
Ensignadou.
Prouvèrbi pèr l’Estiéu qu’es aqui.
Ma sorre Ano avié rendèsvous...
Editouriau :
Uno revoulucioun qu’es pas verdo.
Estage de Lengo e de Culturo Prouvençalo.
L’Evenimen :
PACA? Fau vouta!!
Juliet de 1209 : lou masèu de Beziés.
Li Gènt d’Eici - Annado Mirèio.
De voues se soun amoussado.
Li lengo de Franço.
Evenimen e rendu-comte.
Lou saupre-faire di Coumtadino
Fiero e marcat de Prouvènço e ...d’aiours
Espousicioun
Avignoun : Mirèio pèr l’image.
Trin di Fèsto e Manifestacioun :
Carreto.
Targo.
33en Festenau Prouvençau.
Darwin
Lis espacejado dóu barrulaire à velò.
La bèstio de la Pichoto Crau.
Mirèio, un pichot guide pèr Prouvènço.
Escourregudo à Cucuroun.
Lou Senglié, lou biòu diéu de la bouvino.
Anniversàri à Pue-Ricard.
Destincioun.
Disque nouvèu.
l’Acadèmi dóu Tambourin.
Corne d’aur’Oc.
Un camp en lousèro.
De PACA n’ia proun! Fau vouta!!
Lou Counsèu Regiounau de Prouvènço-Aup-Coustiero d'Azur a tengu paraulo. Enjusquo lou divèndre 31 de juliet, lou mounde an la poussibleta de s'espremi pèr prepausa un nouvèu noum à nosto Regioun.
Sabès qu'ausissèn que PACA d'aqui, PACA d'eila, Paca estènt en demai lou diminutiéu de Franceso en espagnòu...
Noste presidènt, Segne Michèu Vauzelle, n'a soun proun. Es perfetamen counsciènt que, quouro disès que venès de PACA, en vouiage dins lou fourestié, degun coumpren e arrivo pas de situï aquesto terro benesido sus nosto pauro boulo, la Terro. Se disès Prouvènço, aqui o, li caro s'esclairon d'un sourrire. Counèisson. Voudrien bèn veni ié planta caviho.
La counsultacioun poupulàri es dounc duberto.
Fai mestié pèr tóuti, Prouvençalo e Prouvençau de souco vo d’adóucioun, de pas s’engana : pèr nautre i’a qu’uno souleto responso poussiblo, nosto Regioun estènt l‘eiretiero de la Provincia Romana, soun noum es PROUVÈNÇO!
PROUVÈNÇO, segur, es uno entita qu’es pas toujour eisa d’esplica. I’a uno Prouvènço istourico (dato de 2.000 an), uno Prouvènço de l’Age Mejan (partejado en marquesat toulousan, coumtat barcilounen e principauta d’Aurenjo), uno Prouvènço mai recènto (partejado en Coumtat de Prouvènço, Coumtat de Saut, Coumtea de Niço, Coumtat Venessin, Coumtat d’Avignoun, Principauta d’Aurenjo), uno Prouvènço mieterrano (aquelo de la vigno e de l’óulivié), uno Prouvènço amenistrativo (es dins Paca, mai i’a tambèn de tros dins Rose-Aup e Lengadò-Roussihoun)...
Mai basto! pèr nautre PROUVÈNÇO es l’ensèn di relarg, que que siegue soun restacamen amenistratiéu, ounte li gènt an counsciènci d’èstre Prouvençau, parlon (encaro mai pas tóuti) lou prouvençau (o Lengo Prouvençalo) e soun estaca que noun sai à soun païs e à soun biais de viéure.
L’ouro es vengudo de faire decessa li particularisme loucau e de dire, claramen, que nosto Regioun dèu se dire PROUVÈNÇO, acò e pas mai.
Poudès vouta enjusquo lou 31 de Juliet, pèr prepausa
aquest noum, siegue :
- pèr internet, fau ana alor sus lou site :
http://changerdenom.regionpaca.fr
- o pèr escri : mandas alor vosto letro à l’adrèisso seguènto
Conseil Régional PACA
Service Communication
(Noum de la Regioun)
27 place Jules Guesde
13841 Marseille cedex 20
Anèn zóu! es pas lis eleicioun éuroupenco... Vous fau vouta. Faire vouta vosto famiho, vòstis ami, vòsti couneissènço. PROUVÈNÇO? Ansin siegue!!
