152

La grando Damo de Praviel.

Ensignadou.

Prouvèrbi pèr l’Estiéu qu’es aqui.

Ma sorre Ano avié rendèsvous...

Editouriau :
Uno revoulucioun qu’es pas verdo.

Estage de Lengo e de Culturo Prouvençalo.

L’Evenimen :
PACA? Fau vouta!!

Juliet de 1209 : lou masèu de Beziés.

Li Gènt d’Eici - Annado Mirèio.

De voues se soun amoussado.

Li lengo de Franço.

Evenimen e rendu-comte.

Lou saupre-faire di Coumtadino

Fiero e marcat de Prouvènço e ...d’aiours

Espousicioun
Avignoun : Mirèio pèr l’image.

Trin di Fèsto e Manifestacioun :
Carreto.
Targo.
33en Festenau Prouvençau.

Darwin

Lis espacejado dóu barrulaire à velò.
La bèstio de la Pichoto Crau.

Mirèio, un pichot guide pèr Prouvènço.

Escourregudo à Cucuroun.

Lou Senglié, lou biòu diéu de la bouvino.

Anniversàri à Pue-Ricard.

Destincioun.

Disque nouvèu.
l’Acadèmi dóu Tambourin.
Corne d’aur’Oc.
Un camp en lousèro.

Lou Palais dóu Roure, 3 carriero Coulège dóu Roure, en Avignoun, aculis pendènt tout l’estiéu e jusqu’au 30 de nouvèmbre de 2009, uno espousicioun di chanudo sus lou tèmo : Mirèio pèr l’image, alestido pèr Dono Sabino Barnicaud e lou persounau dóu Palais.

Se pòu vèire, dóu dimars au dissate, de 10 ouro de matin à miejour e de 2 ouro à 5 ouro 30 de tantost.

Es uno espousicioun bèn facho pèr lou regale dis iue bord que presènto touto uno couleicioun d’aficho de cinema, de foutò de tournejage dóu filme Mirèio (1932) e de representacioun de l’obro mistralenco à l’opera e au tiatre.

Se limito, pamens, pas en acò. Avèn, tambèn, d’àutris aspèt de Mirèio, talo que Mistral la vesié coume un persounage pèr ilustra de reclamo forço despariero (òli d’óulivo, saussissot Mirèio etc).

Soun pas óublidado la presènci de Mirèio dins l’art poupulàri e nimai sis eiretiero : li chato que prenon lou riban arlaten pèr la Fèsto Vierginenco e li Rèino d’Arle. De manequin, en vièsti d’epoco, presta pèr Dono Pascal, d’Arle, rèndon agradivo la vesito de l’espousicioun.

De nouta que Mirèio es encaro uno estello bonodi Camihe Flammarion que batejè d’aquest pichot noum prestigious un asterouïde.

L’inaguracioun de l’espousicioun, lou 20 de Jun, s’es ounourado de la presènci d’un fube de persounalita, e dintre éli Francés Feraud, ajoun au deputaconse d’Avignoun pèr la Culturo Prouvençalo. Pèr l’escasènço, lis escoulan de prouvençau dóu Flourege dounèron uno leituro de Mirèio, acoumpagnado en musico pèr Andriéu Gabriel.