153

Un guide nòu pèr Arle.

Ensignadou.

Prouvèrbi pèr l’autoun que vèn.

Ma sorre Ano a croumpa un moucadou!

Editouriau :
La councurrènci fausso...

Estage de Lengo e de Culturo Prouvençalo.

L’Evenimen :
Lou vote di 10.000.

Li gènt d’eici.

De voues se soun amoussado.
Enri Ripert, Glaude Favrat, Enri Tillard, Roubert Lafont, Andriéu Benedetto, Louïs Bourgue.

Li muret de la Valèio de Prapic.

Lou pastre e lou preire

Quau se ramento lou faudau de sa grand?

Disque nouvèu - Libre.
La Tèrra de Masucs emé Felipe Vialard.
Ma vido à Castèu-nòu de Pèire Courbet.

La darniero cigalo

I’a 39.000 an en ribo de Rose.

Anniversàri : Jan Calvin.

Urban Cinq.

Prouvènço, uno Regioun amenaçado.

De PCB dins lis anguielo!

Aragno americano o prouvençalo?...

La desbrando de la resoun.
Pensado d’uno festivaliero

Lis espacejado dóu barrulaire à velò.
Marsiho.

lou diciounàri de Camihe Moirenc.

Ma vido au fiéu dis an.

Les Livres de la guerre.

Trin di Fèsto e Manifestacioun Prouvençalo.

La Milice en Vaucluse.

Novo dóu Païs :
Tradicioun camarguenco
Bourg Sant-Andiòu
Uzès
Droumo Prouvençalo :Emilo Loubet.

Lis ispiratriço de Mirèio?

Doursié Mirèio.

D’una mar, l’autra de Jan Saubrement.

Un bestiàri medievau dins la Franço Latino.

Li Fèsto de Quartié dóu Vièi Avignoun.

Lou pichot trin di Ceveno.

Me dison Manosco..

Arle e si 2.000 an de Culturo e d’Istòri

A pareigu lou libre de Michèu Bonnefoy qu’avian anouncia dins un numerò precedènt. Quouro disèn un libre es pèr lou verai un guide, à travès Arle, prepausa pèr un de sis enfant. D’efèt, Bonnefoy, counsciènt dóu drudige dóu patrimòni arlaten, ié sort di vòuto touristico, pèr nous endraia dins un itineràri iniciati en bousco di mounumen de la vilo.

Sa caminado es enlusido de 680 foutò óuriginalo, en coulour, que soun d’éu, de Reinié André, Felipe Rossignol, Fredi Dhombres e Jousiano Pegheon.

Acò douno un guide clafi d’óusservacioun, de noto istourico e de presentacioun de tresorgaire couneigu. Agroufioun subre la pastissarié, i’a de citacioun en prouvençau levado de tèste de Frederi Mistral, Amadiéu Pichot, Jaque Peitret, Teoudor Aubanèu, Folcò de Baroncelli, Jóusè d’Arbaud.

La vido vidanto es pas óublidado emé li marcat de vuei, de reprouducioun acoulourido de tablèu de Van Gogh, de pinturo de Leo Lelée, e li fèsto, emé lis Arlatenco, li Gardian, li chivau e li biòu.

Arle, segur, es uno ciéuta que s’amerito d’èstre miés descuberto, miés amado, tant, dins l’esmarradou di carriero de la vilo anciano, i’a de richesso que, sèns un couneissèire averti, se pòu passa davans en lis ignourant o n’en pas coumprendre l’interès. Poudèn pas tout cita. Pamens vaqui quauquis eisèmple pesca dins l’itineràri de Michèu Bonnefoy :

• * Couneissès lou bastoun de sant Trefume, la tourre di Mourgo, la tourre de Rouland?
• * Sabès qu’en Arle i’a un fube d’oustau noble?
• * Avès-ti idèio que i’a 99 esculturo diferènto qu’adornon li clastro de Sant-Trefume?
• * Lou mot de poudestat vous dis quaucarèn? Pamens, à l’Age-mejan, gouvernavon la ciéuta!
• * Avès-ti, un jour, vesita li gabiolo de l’ancian palais medievau, gabiolo que serviguèron encaro, dóu tèms de la darniero guerro, pèr empresouna d’Arlaten?
• * Sabès-ti qu’en Arle i’a de criptou-pourtegue, dessouto lou forum rouman, galarié sousterrano que serviguèron de silò pèr entre-pausa l’anouno bladiero que servié à nourri la poupulacioun?
• * Demié lis edifice religious i’a, segur, de glèiso, de muro d’ancian tèmple e meme un tèmple uganaud.
• * Pèr quant au Museon de l’Arle Anti, fau ié courre coume l’avé à la sau! Eici, li tresor espausa mostron l’impourtanço d’Arle, au tèms di Rouman. Demié li curiouseta, entre de moulounado, vaqui Lou lioun de l’Arcoulo, descubert au Paradou; uno mousaïco representant lou raubamen d’Éuropo e, esmouvènt, lou blouquié de maubre, trouva dins li cavage dóu forum, que reproudus lou blouquié d’or pourgi en 27 à-n-Aguste pèr lou senat rouman. Etc, etc.

Sènso leissa de caire li mounumen lcelèbre (Tiatre Anti, Cièri Rouman, Sant-Trefume etc), se pòu vèire bèn d’àutri temouniage dóu passat de la ciéuta que Mistral, un jour envouquè en disènt :

Arle! O, tu que siés estado Tout ço que l’on pòu èstre, La metroupòli d’un empèri, La capitalo d’un reiaume E la matrouno de la liberta...

Aquesto iscripcioun es escrincelado sus uno lauso de maubre que s’atrovo, un tresor de mai d’aprecia!, dins la grand salo de la coumuno d’Arle.