153

Un guide nòu pèr Arle.

Ensignadou.

Prouvèrbi pèr l’autoun que vèn.

Ma sorre Ano a croumpa un moucadou!

Editouriau :
La councurrènci fausso...

Estage de Lengo e de Culturo Prouvençalo.

L’Evenimen :
Lou vote di 10.000.

Li gènt d’eici.

De voues se soun amoussado.
Enri Ripert, Glaude Favrat, Enri Tillard, Roubert Lafont, Andriéu Benedetto, Louïs Bourgue.

Li muret de la Valèio de Prapic.

Lou pastre e lou preire

Quau se ramento lou faudau de sa grand?

Disque nouvèu - Libre.
La Tèrra de Masucs emé Felipe Vialard.
Ma vido à Castèu-nòu de Pèire Courbet.

La darniero cigalo

I’a 39.000 an en ribo de Rose.

Anniversàri : Jan Calvin.

Urban Cinq.

Prouvènço, uno Regioun amenaçado.

De PCB dins lis anguielo!

Aragno americano o prouvençalo?...

La desbrando de la resoun.
Pensado d’uno festivaliero

Lis espacejado dóu barrulaire à velò.
Marsiho.

lou diciounàri de Camihe Moirenc.

Ma vido au fiéu dis an.

Les Livres de la guerre.

Trin di Fèsto e Manifestacioun Prouvençalo.

La Milice en Vaucluse.

Novo dóu Païs :
Tradicioun camarguenco
Bourg Sant-Andiòu
Uzès
Droumo Prouvençalo :Emilo Loubet.

Lis ispiratriço de Mirèio?

Doursié Mirèio.

D’una mar, l’autra de Jan Saubrement.

Un bestiàri medievau dins la Franço Latino.

Li Fèsto de Quartié dóu Vièi Avignoun.

Lou pichot trin di Ceveno.

Me dison Manosco..

Felipe Vialard
e la Tèrra de masucs

Pèr li qu’amon forço la cansoun nostro identitàri, avèn destousca un disque que fai boulega li pèd e li cambo! Es pèr la Fèsto de la Musico, à Nasbinals, eilamount en Lousèro, que de mounde de Prouvènço ausiguèron pèr lou proumié cop si cansoun.

Se dis, lou disque, Tèrra de masucs. Es dóu cantaire Felipe Vialard, nascu en Aubra, qu’avié deja participa au bèu CD : Sanflorada per deman. E un masuc n’es autre qu’un buroun, aquelo cabano de granit bastido sus l’Aubra, ounte se fasien, antan, li famóusi fourmo.

Tèrra de masucs es un disque dóu meme jas qu’aquéli dóu groupe Sauvatèrra, vuei despareigu, e de l’ensèn cevenòu Aiga Linda.

Dins Tèrra de masucs boufo, de-longo, la cantaleso, lou vènt qu’escoubo l’Aubra.

Se li paraulo soun pourtarello d’identita, d’uno identita founso, pastado de remèmbre, de revenge coume d’aveni, la musico es de vuei mai óublido pas la founfòni de la cabreto e s’endrudis, meme, di percussioun brasiliero de Cesar Da Conceicao Silva.

Tèrra de masucs se duerb pèr aquesto cansoun de l’Aut Lengadò que Rosina de Peira e Martina, antan, avien interpretado dins un disque 33 tour dis Edicioun Revoulum : Sem montanhols. Asatado au prouvençau (pèr iéu) debuto ansin, qu’es tout un prougramo :

Sian mountagnòu, avèn l’independènço, L’avèn, l’avèn, e mai la gardaren, Se i’a pas de rèi en Franço, Nautre ié regnaren...

Es seguido de tóuti uno sequèlo de cansoun à la glòri di masucs, dis ome e di femo de la mountagno e de tout un pople fièr de si racino, de si vihado emé li vièi e de soun païs.

La lengo de Felipe Vialard es claro, lindo, forço procho dóu prouvençau, franc, de cop que i’a, de quàuqui mot de voucabulàri.

Tèrra de masucs es dedica au Ramoun Laondès, de Langougno, qu’à sege an, au coulège, en 1942, escrivié de pouèmo en lengo nostro e que l’un d’entre éli, Lo vèspre, es canta pèr Felipe Vialard.

Coume lou mounde d’Aubra, pantaie qu’avengue lou jour que li jouvènt s’entournaran dins lis oustau e qu’en patoues l’enfantoun parlara emé soun papet.

Se voulès uno bolo grando d’èr pur, d’espàci e d’inmensita noun councha, vous counseian de croumpa Tèrra de masucs e de vous leissa embelina pèr li cantaire, li cor e lou biais di gènt dóu païs de la genciano.