154


Jan-Pèire Tennevin.
L'Astrado n° 44

Lou decor à la jardiniero
de Nino Martinent-Savidan

Camin crousa
de Felipe Blanchet

Marsiho, tras li siècle
de Gabriéu Cassin

UNO o DE lengo d'O
pèr Jean Lafitte e Guilhem Pépin

Ié disien Cèio e Marto, dos santo à l'ounour
Couleicioun Lenga d’Oc.

Ièu savo una chançon.
pèr Parlarem en Vivarés

«La Pounchudo
Cercle Langue d’Oc

La Targo
pèr L’Escolo de la Targo

Beatritz de Mongalvanh
pèr Reinat Toscano




apa
BVT

Pinus

ensignadou

154


Jan-Pèire Tennevin.
Ensignadou.
Prouvèrbi pèr l’autoun qu’es aqui.
L'a fa Moussu Obama
Editouriau : Avèn deja agu la vigneto...
Estage de Lengo e de Culturo Prouvençalo.
L’Evenimen :Après Bèu-Caire, Carcassouno.
Lou cantoun di pouèto
Siéu un vièi óulivié
J.B. Plantevin.
Li gènt d’eici .
La Carreto de la Coupo d’Or
Lou decor à la jardiniero
Camin crousa
Louïs Viany.
Lou diciounàri de Moirenc.
Prouvènço, uno Regioun amenaçado.
La Baumo de Blandas.
Memòri d’Avignoun :Jacoumar.
Marsiho, tras li siècle.
UNO o DE lengo d’O.
Trin di Fèsto e Manifestacioun Prouvençalo.
Lis espacejado dóu barrulaire à velò.
I raro d’Ardecho e d’Auto-Lèiro
Mireille à Paris.
Doursié Mirèio (fin).
Li fusiha de nouvèmbre de 1871.
Raconte pèr lou tèms di lauraire.
Disque - Revisto - Libre.
Ié disien Cèio e Marto, dos santo à l’ounour
Ièu savo una chançon.
La Pounchudo
La Targo.
Beatritz de Mongalvanh.







Prouvènço, uno Regioun amenaçado (2)

Desenant, e en seguido de l’article pareigu dins lou numerò 153 di Nouvello, vous dounaren d’enfourmacioun sus la batèsto engajado pèr proutegi e sauva noste envirounamen prouvençau e mieterran amenaça.

Lou crime ecoulougi de la Crau

La despoulucioun de la Reservo Naturalo di Coussou de Crau vai soun trin. Pamens, e en seguido di gròssi plueio qu’an davança l’equinòssi d’autouno, lou petròli brut, aquesto salouparié, a councha la napo freatico de la Crau.

Cresès-ti qu’acò servira de leiçoun is amagestraire e àutris endustriau? Que nàni! Vaqui pas que GRTGaz, uno filialo de GDF-Suez, a en proujèt de coustruire un porto-gas (gazoduc) entre l’estacioun de coumpressioun de Sant-Martin de Crau e Sant-Avit en Droumo. Vai soulet que passarié un cop de mai dessouto la Reservo Naturalo de Crau... Vous dise pas lou gast que farié se, un cop realisa aquéu porto- gas, venguèsse un perdènt dins lou bournèu e que lou gas deliéura espetèsse!

Paure Ventour

lou Ventour

À flour e mesuro, d’enfourmacioun novo nous soun arrivado à prepaus de l’escalado dóu Tour de Franço au su de Ventour, dins l’estiéu darnié. Ramentan que Ventour a voucacioun d’èstre uno reservo de biousfèro destinado a proutegi la fauno, e la floro, em’ un desvouloupamen limita e à dimensioun umano.

Se dis qu’es pas 500.000 persouno mai 1 milioun qu’aurien trapeja pendènt quàuqui jour sus li pendis de la mountagno! D’ùni de nòsti legèire soun ana coustata, après, li bourdiho abandounado pèr li touristo e li ciclisto un pau de pertout. N’en soun esta escalustra, tant pèr lou voulume que pèr sa naturo. Recentamen, uno chourmo bountouso de 120 voulountàri, a neteja lis abord de la routo entre lou Chalet Reinard e lou su de Ventour. Resulto de sa coulèito : à bóudre boutiho en plasti e moucadou de papié escampa, sa de viéure vitamina, coucourdeto de ciclisto e meme uno machino pèr courdura e uno porto metalino. Em’ acò Bernat Thevenet, que representavo lis ourganisatour dóu Tour de Franço, a pouscu regracia, entre autre, pèr la rabaiado realisado, après l’esprovo, pèr li coumuno, di touno e di touno de bourdiho abandounado en eiretage.

E pèr acaba : Ventour es esta classa zono Natura 2000. Lou proujèt èi de n’en faire un nouvèu Pargue Naturau Regiounau. 40 coumuno soun councernido. 29 soun pèr e 11 ié soun óupousado. Sian dins l’espèro de la decisioun dóu Prefèt de Vaucluso e dóu Prefèt de Regioun pèr la creacioun d’un sendicat mescle. Alor, Ventour Pargue Naturau Regiounau en 2014?

Lou Vaucluso resisto is OGM

Coume vous l’avèn deja anouncia, lou Vaucluso es uno terro de resistènci is OGM (ourganisme geneticamen moudifica). Se pòu dire, meme, qu’emé Jaque Olivier, proumié conse dóu Tor e counseié regiounau, presidènt de la coumessioun Agriculturo e Séuvo de PACA (lou noum a pancaro cambia...), aquest despartamen es belamen en pouncho de la lucho.

Fin de setèmbre, au Tor, un recampamen dóu couleitiéu Vaucluso sènso OGM  aculiguè 4 nouvèlli coumuno coumtadino : Veisoun, Lou Bausset, Cairano e Pue-Meiras, e tambèn, lou proumié conse de Milhau, en Aveiroun, Gui Durand, presidènt foundadou de l’Assouciacioun Naciounalo di Couleitiveta sènso OGM.

Es aro 30 coumuno de Vaucluso que refuson, óuficialamen, lis OGM e que, à l’eisèmple dóu Tor, an enebi d’aquéli semenço sus soun territòri. 6 d’entre éli se soun engajado à plaça, coume Lou Tor, li panèu verd «Commune sans OGM», à sis intrado de loucalita. Demié ‘quéli, i’a Lou Bausset, emé Rougié Bouvier soun proumié magistrat, qu’es lou decan di conse de Vaucluso

De que se passo en Avignoun?

La Ciéuta di Papo, es uno realita geougrafico, es au jougnènt d’un flume, lou Rose, e d’uno ribiero, Durènço. Coume soun territòri coumunau es restren, la vilo, pèr se desvouloupa, engoulis despièi de decenìo li terro abelano entre li bàrri e li ribo de si frountiero d’aigo, terro couneigudo coume estènt lou Plan d’Avignoun e qu’èron, antan, un jardin inmènse que proudusié à mouloun de fru e de liéume.

Aqueste jardin es esta deja proun rousiga e arna. Li soubro, après lis assetamen de la vìo dóu TGV, soun menaçado pèr un grand proujèt inmoubilié dóu coustat de Durènço. S’agirié de faire uno ecou-bourgado  (mèfi! mot nouvèu = quartier écologique...) en plen la cencho verdo d’Avignoun, que loujarié 4.000 à 5.000 persouno de mai, emé si veituro, si bourdiho, un crèis impourtant de la circulacioun autoumoubilo dins un rode, lou sud de la ciéuta, qu’es proun engavacha.

Se pòu-ti arresta lou desvouloupamen urban d’uno ciéuta? Se noun, Avignoun butara un jour contro si limito, enterin que, la vilo anciano, darrié si bàrri, esperara uno poulitico audaciouso de renouvacioun de si quartié abandouna de mai en mai pèr la poupulacioun.

Lou trin entre Avignoun e Carpentras?

Se barrulas un pau entre Avignoun e Carpentras, acò se vèi que la circulacioun entre li dos ciéuta es aro un proublèmo vertadié.

I’a uno soulucioun pèr n’en demeni lou quicha que lou mounde e lis elegi demandon de-longo : èi de remetre en service la ligno de camin de ferre Avignoun- Carpentras em’ uno liesoun vers la grando garo TGV avignounenco.

I’a, bèn segur, de negouciacioun, de tour de taulo pèr saupre quau pagara.

Pèr aro, s’un jour acò se realiso, se poudra ana en trin de l’anciano capitalo de l’Estat d’Avignoun à l’anciano capitalo de la Coumtat de Venisso.

Aveni de la Mar Nostro

La Mar Mieterrano e si pèis fan, tambèn, de mai en mai soucit. N’en veici quàuqui provo levado de la leituro de vòsti journau quoutidian : * La mafia calabreso, la ‘Ndrangheta, en Italìo, a trouva un biais nouvèu de s’enrichi. Croumpo de batèu, subre-tout vièi, li cargo de bourdiho e de laisso, de cop radiouativo, e s’en vai lis aprefoundi dins la mar deliéuro. Acò’ s pas uno galejado que retiparié la sardino que tapavo l’intrado dóu Port Vièi, à Marsiho! Es uno realita descuberto pèr un proucurour italian.

* Lou Gou de Beauduc o di Sànti-Marìo fai partido dóu Pargue Naturau Regiounau de Camargo. A coumta dóu ribeirés, i’a uno zouno de 3 kiloumètre enebido à la pesco dicho au gàngui o au rastèu (chalutage). Aqui, dins lou Gou, un rode forço peissounen, i’a mai de 30 espèci de pèis que vènon se reproudurre e fan viéure li pichot pescadou camarguen, li que pescon emé de ret. Mai vaqui pas que, desenant, dins la zouno proutegido, es de biòu (chalutiers) que vènon rascla de-longo li founs destrusènt touto vido!

* Avès entendu, segur, parla de l’afaire dóu pèis-blu (o toun rouge) de Mieterrano. N’i’a, belèu, que se n’en ramenton. I’avié, dins lou tèms, à L‘Estaco, uno madrago pèr aganta e tua li pèis-blu, coume n’i’a encaro en Sicilo. I’a ‘gu, tambèn, dins lis annado 50 dóu siècle darnié, de mato inmènso de toun que se vesien despièi La Courouno vo Càrri lou Rouet, e fasien la fourtuno di pescadou. Vuei aquest pèis se fai rare. Un estùdi scientifi vai èstre mena d’eici la fin de 2011, fin d’evalua la ressourso. Entre-vau, li grand batèu japounés poudran countunia de pesca dins la Mar Nostro, pendènt que li grand biòu francés (d’usino vertadiero) countuniaran de piha li bancado de toun blanc de l’Oucean Pacifi...Au cop venènt!

sign Roux



barre de fin de page

1086250