Ensignadou.
20en anniversàri di Nouvello.
Prouvèrbi pèr l’autoun que s’acabo.
Soustenènço de tèsi de lengo d’O
Editouriau
Gastounet, reviho-te!
100 estagiàri de prouvençau.
L’Evenimen
E la nostro d’identita ?
De voues se soun amoussado
Lévi-Strauss, Maurise Fléchaire, Louïs Leydier, Reinié Decroocq
L’aujòu a plega parpello
Lengo de Franço
Li manifestacioun.
Quete noum pèr ramplaça PACA ?
Crime ecolougi : lou councha de la Crau.
Bouvino
uno dinastìo de manadié
Bilans de la sesoun 2009 de bouvino.
Li Gènt d’eici.
Jan Castagno
Carle Galtier.
Avignoun entaula.
Libre - disque -nouvèuta.
Rambaud de Vaqueiras
Li legèndo dóu Lengadò e dóu Roussihoun
Marìo-Azalaïs Valère-Martin.
Li Casernet dóu Ventour
Lis espacejado dóu barrulaire à velò
Casernet e letro de la Grando Guerro.
Fèsto Prouvençalo
Pastouralo...
Une maje fèsto : Nouvè.
Reneissènço Prouvençalo e religiouseta.
Napouleoun Peyrat «l’Aujol»
Cous de prouvençau - Libre - Nouvèuta.
L’epoupèio de la sedo
Felipe de Girard

Vaqui uno saga de mai pèr enaura lou mounde de la bouvino. Es Roubert Faure, de Lunèu, vuei, que nous conto l'epoupèio di Blatière, de manadié ouriginàri de Vergezo, dins lou Gard prouvençau.

Es à Vergezo, dounc, que nasquè, lou 14 d’avoust de 1878, Alfret Blatière, dins uno famiho de barricaire, qu’èron de religioun refourmado. Aguè dous drole : Artus e Alfret (escais-nouma Fredou). Es em’ aquéli que, d’agricultour e de negouciant, decidè de se faire manadié.

La manado debutè, à Vergezo, emé 2 vaco e 6 tau. Faguèron un travai de triado de remarco que li menè au triounfle dóu celèbre Gandar. Èro lou tèms di round de carreto pèr faire courre li biòu à la coucardo, tóuti pinturado emé lou blu carreto, e de la gardo di bèstio à bastoun planta.

Li Blatière croumpèron de terro, is Isclo. En 1935 la manado coumtavo 141 tèsto. Li biòu di Blatière èron de tóuti li courso, subre-tout li reialo. Un cop la guerro passado, la manado reprenguè soun astrado, emé 168 bèstio en 1948, e la glòri de Gandar, un de si tau. Aquéu d’aqui fuguè bleissa dins un aucidènt de camin de ferre, mai, gari, countuniè de courre enjusqu’en 1959. Mouriguè, Gandar, en 1963. Aquest erò di courso camarguenco fuguè entarra coume un segnour, i Fountaniho, em’ un pieloun sus soun cros.

La manado Blatière perseguiguè pamens sa saga, sèmpre emé de coucardié de qualita.

Alfret Blatière, lou creatour de la manado, despareiguè en febrié de 1960. Mai la manado noun poudié s’arresta e si drole prenguèron la relèvo. En 1977 Artus, à soun tour, mouriguè. Es alor Fredou e Jaque Blatière que devenguèron li soulet mèstre de la manado. À la desparicioun de Fredou, prenguè lou noum de Manado Blatière-Bessac. Mourven, un de si biòu, fuguè sacra Biòu d’Or en 1995. Vuei la cinquenco generacioun de la raçado Blatière a li reno en man. Es lou 19 d’avoust de 2000 que fuguè aubourado, à Vau-Verd, uno estatuo à la glòri de Gandar.

Gramaci Roubert Faure pèr la bello evoucacioun d’aquesto dinastìo marcado pèr soun estacamen à la fe de si rèire uganaud e à la fe di biòu.