Ensignadou.
20en anniversàri di Nouvello.
Prouvèrbi pèr l’autoun que s’acabo.
Soustenènço de tèsi de lengo d’O
Editouriau
Gastounet, reviho-te!
100 estagiàri de prouvençau.
L’Evenimen
E la nostro d’identita ?
De voues se soun amoussado
Lévi-Strauss, Maurise Fléchaire, Louïs Leydier, Reinié Decroocq
L’aujòu a plega parpello
Lengo de Franço
Li manifestacioun.
Quete noum pèr ramplaça PACA ?
Crime ecolougi : lou councha de la Crau.
Bouvino
uno dinastìo de manadié
Bilans de la sesoun 2009 de bouvino.
Li Gènt d’eici.
Jan Castagno
Carle Galtier.
Avignoun entaula.
Libre - disque -nouvèuta.
Rambaud de Vaqueiras
Li legèndo dóu Lengadò e dóu Roussihoun
Marìo-Azalaïs Valère-Martin.
Li Casernet dóu Ventour
Lis espacejado dóu barrulaire à velò
Casernet e letro de la Grando Guerro.
Fèsto Prouvençalo
Pastouralo...
Une maje fèsto : Nouvè.
Reneissènço Prouvençalo e religiouseta.
Napouleoun Peyrat «l’Aujol»
Cous de prouvençau - Libre - Nouvèuta.
L’epoupèio de la sedo
Felipe de Girard

Lou 8 de nouvèmbre de 1989, à Vaurias, lou counsèu d'amenistracioun de Parlaren en Vaucluso, Jan-Marc Courbet estènt presidènt, Amat Tasquier secretàri e Jan-Glaude Roux clavaire, prenguè la decisioun de faire parèisse uno revisto qu’anavon ié dire Li Nouvello de Prouvènço.

Perqué Parlaren en Vaucluso se mandavo-ti à l’aigo? Tout simplamen pèr-ço-qu’un journau prouvençau que pareissié à Marsiho avié decida d’arresta sa publicacioun. Èro necite, dounc, de crea un liame regulié entre li militant de Parlaren e sis ami.

Jan-Glaude Roux, pèr aiours presidènt de Parlaren Païs d’Avignoun, acetè la respounsableta de direitour- gerènt carga de reüni un coumitat de redacioun de militant bountous e d’assegura la realisacioun di Nouvello de Prouvènço, entieramen dins la lengo dóu païs nostre : la Lengo Prouvençalo.

Lou numerò 1 di Nouvello de Prouvènço espeliguè lou 17 de desèmbre de 1989, à l’óucasioun d’un ufanous Councert Calendau de l’Ensèn Jehan de Channey, beileja pèr noste ami Danis Duché.

Aqueste Councert Calendau èro esta endreissa pèr Parlaren Païs d’Avignoun e Parlaren Mountèu dins la glèiso Sant-Pèire, en Avignoun, aqui meme ounte Micoulau Sabòli, autour di nouvè prouvençau sèmpre canta pèr lou pople nostre, es ensepeli.

Fasié uno fre que pelavo e noste numerò 1, que la cuberto èro de Reinié André, fuguè bandi. Ié caupié, dins aqueste numerò (1), li signaturo de : Reinié André, Jan-Pèire Boiron, Marcèu Bonnet, Marcèu Bòsqui, Jan-Marc Courbet, Michèu Courty, Bernat Deschamps, Lis Escoulan dis Angle, Enri Feraud, Magali, Gabriéu Mollard, Jaume Occelli, Misé Papalino, Fernand Perrin, Jan-Glaude Roux, Jan Soubeyras, Andriéu Tessier e Mirèio Vial.

Despièi avèn tira camin e publica 155 numerò de la revisto (7.000 pajo en prouvençau!) e 14 caièr especiau.

Sian esta soustengu despièi 1990 pèr quàuquis anounciaire e de couleitiveta fidèlo : la Vilo d’Avignoun, lou Counsèu Generau de Vaucluso e lou Counsèu Regiounau de Prouvènço-Aup-Coustiero d’Azur que regracian eici publicamen.

E mai que mai pèr un mouloun d’abouna en quau disèn gramaci! pèr vosto amista e voste soustèn, bord que sènso vòsti letro, vòstis encourajamen, nosto chourmo bountouso aurié belèu cala.

Aro, rendès-vous en Avignoun, lou 20 de desèmbre e dau! pèr nosto 21enco jouncho!!