Ensignadou.
20en anniversàri di Nouvello.
Prouvèrbi pèr l’autoun que s’acabo.
Soustenènço de tèsi de lengo d’O
Editouriau
Gastounet, reviho-te!
100 estagiàri de prouvençau.
L’Evenimen
E la nostro d’identita ?
De voues se soun amoussado
Lévi-Strauss, Maurise Fléchaire, Louïs Leydier, Reinié Decroocq
L’aujòu a plega parpello
Lengo de Franço
Li manifestacioun.
Quete noum pèr ramplaça PACA ?
Crime ecolougi : lou councha de la Crau.
Bouvino
uno dinastìo de manadié
Bilans de la sesoun 2009 de bouvino.
Li Gènt d’eici.
Jan Castagno
Carle Galtier.
Avignoun entaula.
Libre - disque -nouvèuta.
Rambaud de Vaqueiras
Li legèndo dóu Lengadò e dóu Roussihoun
Marìo-Azalaïs Valère-Martin.
Li Casernet dóu Ventour
Lis espacejado dóu barrulaire à velò
Casernet e letro de la Grando Guerro.
Fèsto Prouvençalo
Pastouralo...
Une maje fèsto : Nouvè.
Reneissènço Prouvençalo e religiouseta.
Napouleoun Peyrat «l’Aujol»
Cous de prouvençau - Libre - Nouvèuta.
L’epoupèio de la sedo
Felipe de Girard

Sian intra, se sèmblo, dins uno pountannado de bourroulo de nòstis istitucioun. Lou presidènt de la Republico Franceso souvèto la desparicioun di despartamen crea pèr la Revoulucioun (creacioun qu’èro deja dins li cartoun de la mounarchìo), tant coume la reducioun de 50 % di counseié generau e regiounau que sarien ramplaça pèr de counseié territouriau. L’idèio founso, pèr uno partido de la classo poulitico franceso, èi de reprene, à l’autro, lou countourrole dis istitucioun regiounalo e despartamentalo, fugue au pres d’un boulouversamen e de la moudificacioun, uno de mai, dóu biais de vouta.

Fin finalo, e au bout de tout acò, se l’afaire reüssis, assistarian à-n-uno recentralisacioun jacoubino que metrié tóuti aquéli couleitiveta territourialo souto la joto dóu gouvèr parisen e li veirié perdre lou pau d’autounoumìo, financiero subre-tout, que fai l’uno de si resoun d’èstre.

Avèn pas pèr toco de demanda à nòsti legèire de vouta pèr un partit o un autre : soun proun grand pèr faire sa chausido.

Mai, avèn pèr toco de lucha pèr li valour que nous sèmblon essencialo, en particulié aquéli qu’estruturon la soucieta franceso.

Vivèn dins un païs que d’ùni qualificon de «republico bananiero» e que nourris forço bèn lis elegi dóu pople que ié soun, dessus, atetouni.

Fau-ti redurre lou noumbre de counseié regiounau e generau pèr faire d’ecounoumìo? Mai perqué se limita à-n-aquéli categourìo quouro l’on vèi, dins li sesiho parlamentàri, lou pau d’elegi presènt sus li banc dis assemblado?

Nautre sian pèr l’adóucioun de principe essenciau pèr favourisa la decentralisacioun e la representacioun de tóuti li courrènt de l’óupinioun :

1. - Óubligacioun pèr lis elegi d’assista i sesiho de travai dis assemblado que n’en soun membre, bord que soun paga pèr acò.
2. - Mantèn d’un maiun sufisènt de counseié geougraficamen proche di gènt, dins li despartamen e li regioun.
3. - Autounoumìo ranfourçado di Regioun, que siegue sus lou plan financié o di decisioun, emé, noutamen, un estatut asata pèr la Regioun Prouvènço-Aup-Coustiero d’Azur (PACA a pancaro cambia de noum...).
4. - Entrouducioun de la proupourciounalo, pèr tóuti lis eleicioun, à uno doso resounablo, pèr eisèmple 50 % + 1 di sèti au partit arriva en tèsto, li 49 % se despartissènt à la proupourciounalo entre lis àutri partit dins la limito di sèti dispounible. Hòu! Gastounet, reviho-te!!... que se fasèn pas mèfi, ta decentralisacioun passara dins la trapo...